Tal e como vos informabamos o venres, o Concello convocou unha Mesa de Negociacion onde parecía que ía tratar temas con respecto á Relación de Postos de Traballo mais que resultou ser un fiasco total.
A postura da CIG foi indicarlle ao goberno que non era o momento de convocar unha mesa a un día das eleccións sindicais cando a representatividade dos sindicatos podía variar ao día seguinte e menos cun goberno en funcións e logo de catro anos de lexislatura sen negociar unha Relación de Postos de Traballo.
Cal foi a nosa sorpresa cando o pouco que dixo o concelleiro de persoal en funcións, Diego Fernández, foi que lles desexaba moita sorte aos representantes sindicais nas eleccións que tiveron lugar ao día seguinte e valorou o traballo dos representantes sindicais nos pasados catro anos, que é algo os traballadores e traballadoras xa fan e deben facer nas eleccións tal e como aconteceu, non para nada un goberno local. Canto ao tema para o que nos convocaban supostamente, o concelleiro simplemente indicou que se seguían gobernando iniciaríase o proceso de negociación dunha nova Relación de Postos de Traballo.
A CIG indicou que unha vez máis, como en anos anteriores, non se respectaran os prazos da convocatoria e que as Mesas de Negociación son organismos para negociar e que o Concello co que fai continuamente, non negociando as cuestións importantes e convocando mesas para informar, como no caso da OPE aprobada ou da RPT frustada no 2012, o que intenta é perverter os organismos de negociación colectiva, que debe ser convocados coa finalidade de negociar non para "felicitar as festas" para o que pode convocar unha reunión informal cos representantes dos traballadores.
O triste disto é que levamos catro anos e aínda hai que explicar para que serven os organismos legais de negociación cos representantes dos traballadores.
Ningún comentario:
Publicar un comentario