Computa como tempo de traballo o desprazamento dende o domicilio ata o traballo para os traballadores/as que carecen de posto fixo

Sentenza

A sentenza do Tribunal Superior de Xustiza da Unión Europea, indica que o desprazamento que realiza un trababallador/a sen posto de traballo fixo entre o seu domicilio e o primeiro ou o último cliente se considera tempo de traballo. O Tribunal considera que "dado que os desprazamentos son consustanciais á condición deste tipo de traballador/a, o lugar de traballo destos traballadores/as non pode reducirse aos lugares de intervención física nos domicilios ou establecementos dos clientes do empresario/a".

Esta sentenza, consecuencia dunha consulta da Audiencia Nacional ao Tribunal europeo, está referida ao caso concreto de dúas empresas que se adican a instalación e mantemento de sistemas de seguridade en varias localidades do Estado español; mentras estas empresas tiveron sedes provinciais, o tempo de traballo contaba dende que os traballadores/as chegaban a inciar a xornada á sede ata que remataban tamén na sede.

Co peche das sedes físicas, variou o cómputo de horas de xornada; os traballadores/as teñen a súa disposición para realizar os desprazamentos entre o seu domicilio e os lugares de traballo, un vehículo de empresa; a empresa contabiliza como xornada de traballo aquela que vai dende a hora de chegada do traballador/a ao domicilio do primeiro cliente ata que o traballador/a sae do domicilio do último cliente do día.