Actas de constitución e aprobación do regulamento do Comité de Seguridade e Saúde

Moito traballo custou botar a andar con "normalidade" o máximo organismo de seguridade e saúde laboral do Concello de Betanzos, o Comité de Seguridade e Saúde. Nos anos anteriores foron varias as denuncias presentadas na Inspección de Traballon presencial para que se constituíse, para que se reunise, para que o Concello solucionase diversos problemas na Escola Taller, Casa do Concello ou Oficina de Turismo.

Por primeira vez, tal e como vos dixemos, a secretaría do Comité recae na parte social, o que entendemos que facilitará o seu funcionamento, non só porque xa non vai valer a escusa de que o funcionario responsable non ten tempo senón porque permitirá unha maior fiscalización do traballo do organismo. A maiores, nesta nova etapa, pretendemos que a información sexa de acceso para todo o persoal e procuraremos colgar as actas das reunións para que as poidan consultar todos os compañeiros e compañeiras.

Eis tendes a acta da reunión de constitución do Comité de Seguridade e Saúde e mais a da reunión extraordinaria que se realizou para aprobar o regulamento de funcionamento que os delegados da CIG propuxemos de cara a un mellor funcionamento do organismo.