O 12 de novembro na Mesa Xeral de Negociación tomáronse unha serie de acordos relativos, entre outros ao novo regulamento de axudas sociais e mais á oferta de emprego público do ano 2018 e os criterios de reparto da produtividade.
A previsión do Concello era que os dous primeiros acordos fosen, como moi tarde, ao pleno do mes de decembro, tres meses despois aínda non se someteron a aprobación plenaria e o Concello non nos comunicou os motivos, de aí que lle pedísemos información ao goberno municipal sobre a tramitación destes acordos e o motivo da demora.
O mesmo acontece cos criterios de reparto da produtividade, que debería estar acordados desde o mes de decembro, mais que o Concello teima en non negociar mentres reparte ao seu antollo a partida orzamentaria como lle vén en gana.
Ningún comentario:
Publicar un comentario