A delegada de prevención da CIG vén de lle solicitar ao Concello que paralice os traballos de pintado de vernizado da Casa do Concello que está realizando en horario laboral e que poden prexudicar ao persoal, especialmente tendo en conta que o vernizado debe realizarse con máscara e durante estes días, tanto estes traballos como os de pintura se están a realizar en horario laboral e mentres os traballadores e traballadoras están nas oficinas, o que xa provocou queixas do persoal.
Esta actitude do Concello non está xustificada e é imprudente, ademais de que atenta contra a saúde do persoal que presta os seus servizos nas oficinas municipais. O Concello pode facer estes traballos cando non hai persoal nin público e logo ventilar os espazos o suficiente para que os traballadores non o padezan, mais no canto disto opta por sometelos a un risco innecesario e aunhas condicións non adecuadas para traballar.
A CIG rexistrou esta solicitude agardando que o Concello tome unha determinación, de non cesar de inmediato os traballos cursará unha denuncia ante a Inspección de Traballo provincial.
Ningún comentario:
Publicar un comentario