O Concello de Betanzos convoca unha Mesa Xeral de Negociación para este xoves ás 09:30 h na Sala de Xuntas do Edificio Liceo pola Oferta de Emprego Público do ano 2019.
Aínda sen levar sequera ao pleno a Oferta de Emprego Público do ano 2018, o Concello convoca unha nova Mesa Xeral para negociar unha Oferta de Emprego Público do ano 2019 exclusiva para o persoal funcionario.
A proposta do goberno municipal sería para tres postos de Policía, dous de Policía Local e un de Oficial, un libre outro de mobilidade e o último de promoción interna.
O goberno pretende aprobar por segunda vez unha Oferta de Emprego Público sen aprobar orzamentos, porque desde 2017 non hai orzamentos aprobados, mais o goberno segue aprobando ofertas de emprego, exclusivamente para persoal funcionario e tanto na proposta do 2018 como na do 2019 con postos de promoción.
A maiores, o goberno municipal do PSOE, fixo caso omiso ás solicitudes da CIG para a negociación dos criterios de pagamento da produtividade, a ampliación da partida nun 0,3%, tal e como posibilita a lexislación e a fixación dos servizos mínimos para a folga 8 de marzo. Visto o visto, as cuestións que lle poden preocupar á totalidade do cadro de persoal, non son tan importantes como as que lle afectan a determinados colectivos e departamentos, nomeadamente de funcionarios/as.
Ningún comentario:
Publicar un comentario