Logo de que o Comité de Empresa lle solicitase ao Concello que especificase en que franxa horaria se realizaría a redución correspondente ao horario de verán, o Concello vén de comunicar nos distintos departamentos municipais que debido a que as as negociacións sobre xornada e horario aínda están en curso, a redución horaria diaria que comeza hoxe mesmo levarase a cabo nos mesmo termos que en anos anteriores e realizarase entre o 1 de xuño e o 31 de agosto. Igualmente comunicou que todos aqueles departamentos que por motivos de servizo non poidan realizar a devandita redución de xeito diario terán a compensación pertinente.
Dende a CIG valoramos positivamente que o Concello se apresurase a comunicar este tema a todos os traballadores e traballadoras, tal e como lle solicitou o Comité de Empresa e dese resposta a unha das demandas do Comité. Igualmente, no caso de que algún compañeiro ou compañeira teña problema á hora de exercer este dereito polo seu horario, xornada, ou calquera outro motivo pode poñerse en contacto con calquera dos delegados da CIG que llo trasladaremos ao Concello na busca de solucións.
Ningún comentario:
Publicar un comentario