Nos pasados días e tras a aprobación do Decreto 10/2015, que podedes consultar aquí, o goberno do estado antes a convocatoria das eleccións devolveu o sexto día de asuntos propios roubado no ano 2012. Con esta norma, o persoal ao servizo do Concello de Betanzos pasa a ter un total de sete días para o ano 2015, tendo en conta o día por compensación que se aprobou ao igual que para a Administración estatal.
Como é costume o Concello non adoita informar destas modificacións normativas ao persoal e a CIG solicitoulle que o comunique en todos os taboleiros e informe ao persoal debidamente, ademais de actualizar o desfasado modelo de solicitudes e permisos que contén información contraria á normativa vixente.
Cómpre sinalar que aplicación deste dereito é indiscutible e non fai falla, no caso da recuperación deste día, ningunha resolución da Alcaldía e como empregados públicos podémolo desfrutar desde o mesmo momento da súa aprobación.
Días de Asuntos Propios Ano 2015
Ningún comentario:
Publicar un comentario