Hoxe ás 19:30 h Asemblea informativa no CFO

Lembra que hoxe ás 19:30 h a CIG convoca aos traballadores e traballadoras a unha asemblea informativa sobre a Relación de Postos de Traballo. 

Explicaremos as principais liñas e obxectivos do documento que o goberno municipal acordou con CSIF e CCOO, os motivos do rexeitamento da CIG, as posibles consecuencias da súa aprobación e as posibilidades de alegacións individuais e colectivas. 

Así mesmo, estamos a ter diversas reunións cos partidos da oposición e comentaremos a postura que estes nos transmiten no caso de que o documento se someta a aprobación plenaria, tal e como é preceptivo.

Finalmente, falaremos de posibles vías de negociación colectiva de cara ao futuro e para continuarmos traballando na equiparación salarial da totalidade do persoal que traballa no Concello de Betanzos e para eliminar as discriminacións existentes e que o goberno municipal e os sindicatos CSIF e CCOO pretenden perpetuar con esta Relación de Postos de Traballo.