Proposta de RPT. O argumento tendencioso e interesado de existencia ou non e validez ou non da RPT do ano 2008.

O despropósito apoiado polo goberno municipal e a Central Sindical de Funcionarios e Comisións Obreiras sobre que a RPT do ano 2008 que seica non existe ou non é válida, é un argumento tendencioso e utilizado claramente por quen apoia o texto novo para excluír os postos do persoal laboral deste, coa conseguinte destrución de emprego público que isto suporá a medio e longo prazo no Concello de Betanzos.

PORQUÉ DICIMOS QUE É INTERESADO E TENDENCIOSO O ARGUMENTO DA INEXISTENCIA/INVALIDEZ DA RPT DO ANO 2008?

1. Porque o goberno municipal levou á Xunta de Goberno Local do 14 de marzo para aprobación dunha Oferta de Emprego Público dos anos 2018 e 2019, que podedes consultar aquí, e que indica expresamente o seguinte:

Visto que no cadro de persoal e correspondente Relación de Postos de Traballo figuran vacantes e dotadas presupuestariamente diversas prazas, cuxa cobertura se considera necesaria para o bo funcionamento dos servizos municipais.

Por tanto, o 14 de marzo de 2019 existía unha Relación de Postos de Traballo, e non era a proposta de texto que aínda non foi aprobado nin sometido ao debate plenario.

2.  Porque o goberno municipal acordou na Xunta de Goberno do 28 de marzo estimar unha reclamación de salarios, pola vía da reclamación patrimonial, a unha funcionaria, con base a un complemento de destino recollido na RPT do ano 2008, e que podedes consultar aquí.

A estimación da reclamación faise con base a unha asignación errada do complemento específico, tendo en conta que o cobra non é o mesmo que o se recolle no "instrumento de ordenación do persoal", tal e como denomina o asesor xurídico ao documento que o Concello tradicionalmente chamou RPT. 

Non obstante, o relevante da cuestión é que se a RPT non existe, ou non é válida, como di o Concello, NON O DEBERÍA SER EN NINGÚN CASO, MAIS CURIOSAMENTE, VALE PARA APROBAR UNHA OPE DE FUNCIONARIOS E PARA ESTIMAR UNHA RECLAMACIÓN SALARIAL DE PERSOAL DO MESMO COLECTIVO, MAIS NON PARA TOMALA COMO BASE PARA FACER UNHA NOVA RPT QUE INCLÚA A TOTALIDADE DE POSTOS DO PERSOAL LABORAL.