Proposta de Relación de Postos de Traballo. O factor discrecional do complemento específico.

A RPT asinada polo goberno municipal, a Central Sindical Independente de Funcionarios e mais Comisións Obreiras, pretente implantar un sistema de valoración do complemento específico que ten como eixe a discriminación entre a valoración dos postos de laborais e de funcionarios derivada dunha desigual asignación do complemento de destino, e, que entre outras múltiples cuestións inclúe un factor denominado "varios", que se aplica discrecionalmente a unha serie de postos e que se describe do seguinte xeito:

"AGLUTINA DIVERSOS FACTORES PARA COMPENSAR A ESPECIFICACIÓN DE DISTINTOS POSTOS, TALES COMO O CONTROL DA MUNICIÓN, AS TAREFAS DESENVOLVIDAS A MAIORES DAS FUNCIÓNS PROPIAS DO POSTO, RESPONSABILIDADES DE XESTIÓN MONETARIA, ETC."

"DADO QUE É UNHA VARIABLE MÚLTIPLE CONCEDÉRONSE 100 PUNTOS AO PERSOAL POR TER MÁXIMAS RESPONSABILIDADES, LABORES DE COORDINACIÓN, XEFATURA, ETC"

De repasarmos a totalidade dos factores de valoración dos postos acordados polos sindicatos indicados enriba temos os seguintes:

VALORACIÓN COMPLEMENTO ESPECÍFICO
FACTOR	PESO
Nivel	43,47%
N.º de postos dependentes	6,57%
Especial dificultade técnica: titulación	3,15 %
Especial dificultade técnica: reciclaxe	3,15%
Responsabilidade penal	3,60%
Incompatibilidade	5,58%
Perigosidade	6,48%
Penosidade	6,30%
Tipo de horario	5,85%
Dispoñibilidade	1,35%
Duplicidade	0,90%
Atención ao público	3,60%
Varios	10%

O FACTOR "VARIOS" DISCRECIONAL É O QUE TEN O MAIOR PESO LOGO DO FACTOR "NIVEL", E PUNTÚA POR SEGUNDA VEZ O MESMO CRITERIO DE RESPONSABILIDADE, XEFATURA E COORDINACIÓN QUE XA SE PUNTÚA NOUTROS DOUS FACTORES "NIVEL" E "N.º DE POSTOS DEPENDENTES", do que se deduce claramente que esta RPT ESTÁ FEITA A MEDIDADE DE DETERMINADOS POSTOS DO MÁIS ALTO NIVEL E EN DETRIMENTO DOS POSTOS MÁIS BAIXOS DA ESCALA.

Queremos aclarar, ademais, que no momento en que as funcións aparecen na ficha de descrición dun posto xa non poden ser consideradas funcións a maiores, e na RPT só se valoran as funcións propias dos postos.

Ademais, tal e como expuxemos na Mesa de Negociación, se o control da munición, que segundo a RPT só é tarefa dun policía e non do resto e por este motivo cobraría este policía 1400 euros máis ano no 2019(10 puntos x 140 euros), 1600 euros máis no 2020 e 1800 euros máis ao ano no 2021. Ese posto, moito mellor valorado que o dos resto de policías debería ser provisionado polos procedementos legalmente establecidos, e deberían ter acceso a el o resto de Policías, non proveerse a dedo tal e como defendeu tanto o Concello como o sindicato de funcionarios na Mesa de Negociación.

MÁIS CURIOSO RESULTA, AÍNDA, OS POSTOS AOS QUE SE LLE APLICA ESTE FACTOR "VARIOS" DISCRECIONAL:

POSTOS CO FACTOR “VARIOS”

Técnico/a de Admón. xeral - Asesor xurídico

Tesoureiro/a

Responsable Urbanismo

Coordinador/a de Traballador/a social

Encargado/a técnico especialista en electricidade

Encargado/a de limpeza

Director/a Museo/Arquivo

Inspector/a xefe Policía Local

Policía Local (responsable de munición)

A CIG estivo en contra deste factor desde o primeiro momento, non só porque volve remunerar con 1400 euros (2019) / 1600 euros(2020) / 1800 euros (2021) a maiores, factores que xa se valoran no complemento específico senón porque afonda da concepción dunha Relación de Postos de Traballo pensada por e para os postos de traballo das escalas máis alta e en detrimento do persoal de departamentos unipersoais ou das escalas máis baixas.