PRIMEIRO
A CIG presenta a única candidatura seria e comprometida a traballar os vindeiros catro anos pola colectividade dos traballadores e para a igualdade de dereitos. As persoas que forman parte desta candidatura van libremente porque defenden o traballo desenvolvido estes 8 anos e se comprometen co programa que presentamos ás eleccións sindicais.
SEGUNDO
Na CIG temos claro que a igualdade salarial e laboral entre laborais e funcionarios é de xustiza, unha prioridade e unha necesidade, e que ninguén mellor que nós mesmos, os traballadores laborais exclusivamente, poderemos defender esta igualdade.
TERCEIRO
A CIG demostrou estes oito anos que non lle ten medo a un goberno municipal que ataca continuamente os dereitos do persoal e que utiliza a escusa da desorganización para perpetuar as discriminacións existentes e non solucionar os problemas. Plantoulle cara ao Concello, foi quen de dialogar cando foi necesario e chegar a acordos como o novo Convenio colectivo e demostrou implicación na negociación colectiva.
CUARTO
A CIG oponse aos pactos individuais que benefician a uns poucos en detrimento do conxunto dos traballadores, e que, casualmente, case sempre son cos mesmos. Defendemos a igualdade de dereitos e o cobro de igual salario por igual traballo, fronte as prebendas persoais históricas deste Concello.
QUINTO
A CIG non dubidou en acudir ao xulgado, á Inspección de Traballo, a manifestarse e a defender os intereses dos traballadores e das traballadoras do Concello de Betanzos en ningún momento. Apoiou aos compañeiros e compañeiras que lle pediron axuda e explicou en todo momento a motivación das súas decisións, sempre derivadas dos compromisos de traballo existentes.
COA CIG NA RÚA A LOITA CONTINÚA
Ningún comentario:
Publicar un comentario