ESPECIAL MESA XERAL DE NEGOCIACIÓN (19/06/2017)
O pasado 19 de xuño tivo
lugar a Mesa Xeral de Negociación do Concello de Betanzos cun único
punto da orde do día: Negociación capítulo 1 de persoal do
anteproxecto dos orzamentos para o ano 2017.
A CIG nesta mesa fixo
unha serie de preguntas sobre diversos temas que non tiña claros. En
todos os casos tivo unha resposta con candansúa explicación por
parte do concelleiro de Persoal, polo que por primeira vez non
presentaremos alegacións aos orzamentos, posto que se chegou a un
acordo con respecto ao que entendemos como unha futura mellora para o
persoal laboral, co compromiso de ampliación da partida orzamentaria
das axudas sociais vinculada a un novo Regulamento con criterios
sociais e ampliación das contían máximas concedidas e os
compromisos de continuar traballando para a elaboración dunha nova
Relación de Postos de Traballo.
Así mesmo, segundo nos
indicaron este orzamento contempla a partida necesaria para o
pagamento dos salarios do persoal logo da aprobación do convenio
colectivo, e mais unha partida de 94.141,48 euros para as horas
extraordinarias, o complemento de dispoñibilidade e o complemento de
funcións extraodinarias, vixentes desde a aprobación do convenio
mais que na actualidade aínda non se aplican porque o goberno
municipal quere definir algunhas cuestións na Comisión Paritaria de
Seguimento do Convenio Colectivo. Igualmente, e tendo en conta que o
Comité de Empresa leva dous meses agardando a que esta comisión,
tamén preguntou pola existencia de partida para corrixir o criterio
de absorción do complemento persoal que o goberno municipal adoptou
de xeito unilateral e cuxa discrepancia está pendente de resolver, e
o concelleiro sinalou a partida da que se podería tirar, así como
que ía prevista a posible suba que está prevista unha vez que se
aproben os orzamentos estatais.
Non obstante, si que
botamos en falta a regulación dos criterios da partida de
produtividade, e propuxemos que de non estar regulada esta partida
podería non se podería repartir polo que podería destinarse a
outra finalidade, como, por exemplo ampliar a partida orzamentaria
das axudas sociais. Con respecto a esta cuestión o Concello amosou
boa vontade e chegouse a un acordo de que este ano se negociaría un
novo regulamento de axudas sociais con criterios de reparto máis
xustos e aumento das contías concedidas e que no momento en que este
regulamento fose ao pleno farían a modificación orzamentaria
correspondente para que a bolsa das axudas sociais fose de 35 000
euros, 10 000 euros máis que ata este momento.
Non
obstante, si que botamos en falta a regulación dos criterios da
partida de produtividade, e propuxemos que de non estar regulada esta
partida podería non se podería repartir polo que podería
destinarse a outra finalidade, como, por exemplo ampliar a partida
orzamentaria das axudas sociais. Con respecto a esta cuestión o
Concello amosou boa vontade e chegouse a un acordo de que este ano se
negociaría un novo regulamento de axudas sociais con criterios de
reparto máis xustos e aumento das contías concedidas e que no
momento en que este regulamento fose ao pleno farían a modificación
orzamentaria correspondente para que a bolsa das axudas sociais fose
de 35 000 euros, 10 000 euros máis que ata este momento.
O orzamento recolle
partida orzamentaria para as substitucións e acumulacións de
tarefas dos servizos de escola infantil, limpeza municipal, e axuda
no fogar. Entre outros temas tamén se preguntou pola partida
orzamentaria suficiente para recoller a contratación do Servizo de
prevención alleo e o incluído e o recollido no artigo 57 do
convenio colectivo con respecto aos recoñecementos médicos.
Finalmente, instamos ao
goberno municipal a que axilice o máis posible a aprobación dunha
nova Relación de Postos de Traballo, porque a actual está próxima
a cumprir dez anos en vigor e na actualidade, a situación desde a
aprobación do convenio e ata a existencia dunha nova RPT provoca que
o persoal laboral non teña remuneradas as condicións especiais de
cada posto e tamén abriu unha brecha moi grande entre os
complementos específicos do persoal laboral e do funcionariado e
solicitámoslle ao goberno que se axilice a relación para solucionar
canto antes esta situación que entendemos como transitoria.
PROCESO DE ELABORACIÓN
DA NOVA RELACIÓN DE POSTOS DE TRABALLO
Nesta Mesa Xeral o
goberno municipal tamén adiantou unha serie de cuestión sobre a
nova Relación de Postos de Traballo. En principio está previsto que
a finais deste mes a empresa contratada lle achegue ao goberno
municipal un primeiro borrador da Relación de Postos de Traballo.
Cada traballador individualmente terá unha ficha da que se falará
con el individualmente, con posterioridade tamén se falará cos
coordinadores/ directores / encargados das distintas áreas sobre as
fichas de cada un dos traballadores da área da que son responsables
e, así mesmo, esta información facilitaráselle ás centrais
sindicais nun esquema de negociación que se podería denominar
piramidal. Así mesmo o concelleiro lembrou que a entrada en vigor da
nova Lei de emprego público de Galiza obriga a que as Relacións de
Postos de Traballo sexan instrumentos que reflicten a realidade da
situación do cadro de persoal dunha Administración e non a
idealidade da situación, como viña sendo ata o momento. Actualmente
este Concello conta con cen prazas ocupados por persoal laboral, dos
cales 24 non están ocupados por ningún traballador e cincuenta
prazas de funcionarios, das cales seis están vacantes.
OFERTA DE EMPREGO PÚBLICO
2017
A pesar de que nesta Mesa
Xeral non se negociou a Oferta de Emprego Público do ano 2017, o
goberno adiantou a súa intención de facelo nos próximos meses e
anuncio que a OPE 2017 sería exclusivamente para funcionarios,
postos que a totalidade do persoal laboral é temporal (neste punto
discrepamos posto que temos coñecemento de catro compañeiros que
teñen un documento que acredita que son persoal laboral fixo mais
que o Concello considera non válido). A OPE 2017 do Concello de
Betanzos sería unicamente para un posto de arquitecto técnico (A2)
e outro de administrativo (C1), segundo as intencións que o
concelleiro de Persoal adiantou na reunión.
CONSOLIDACIÓN DE EMPREGO
PARA O PERSOAL LABORAL
Nesta mesma reunión o
concelleiro de Persoal adiantou tamén que o Concello de Betanzos
quere darlle solución á situación de temporalidade do persoal
laboral nos vindeiros anos. Así mesmo, lembrou que anteproxecto da
Lei de orzamentos do Estado prevé que se poida aplicar o que xa
indicaba o Estatuto Básico do Empregado Público en 2007, que as
administracións poderán dispoñer nos exercicios 2017 a 2019 dunha
taxa adicional para a estabilización do emprego temporal daquelas
prazas que estean dotadas orzamentariamente e desde unha data
anterior ao 1 de xaneiro de 2005 estivesen ocupadas
ininterrompidamente de forma temporal. Neste suposto tamén estarían
todas as prazas ocupadas na actualidade por persoal cunha sentenza de
indefinición. Tamén incidiu en que isto só se podería levar a
cabo se había unha nova Relación de Postos de Traballo. É
necesario incidir en que un dos obxectos para os que a empresa da
nova RPT foi contratada foi este, tal e como informaron xa hai un ano
a todos os sindicatos con representación neste Concello e que o
goberno cada vez amosa unha intención máis firme de levar a cabo
este proceso de consolidación, que ata o momento non se comezou a
negociar cos representantes sindicais. De feito, no prego contractual
coa empresa e as fases do traballo vén claramente especificado que
esta empresa deseñará e elaborará o borrador da RPT e negociará,
deseñará e elaborará un organigrama municipal, deseñará e
elaborará un plan de ordenación de recursos humanos que derivaría
na aprobación dunha Oferta Pública de Emprego nos anos 2018 e 2019.
En principio, o contrato con esta empresa é ata o ano 2019.