A CIG súmase á iniciativa "Que ninguén se lucre coa pandemia. Todo o mundo merece protección fronte á Covid-19"

O obxectivo é recoller un millón de sinaturas para que a iniciativa sexa tomada en consideración pola Comisión Europea

A CIG traslada o apoio á campaña “Que ninguén se lucre coa pandemia. Todo o mundo merece protección fronte á Covid-19", a iniciativa de persoas implicadas no sector da saúde e apoiada por múltiples organizacións sociais e sindicais de Europa.

O obxectivo é recoller un millón de sinaturas, tal e como se contempla na normativa vixente para que a Comisión Europea tome en consideración calquera ICE (Iniciativa Cidadá Europea) que pretenda facer emendas ou propostas lexislativas.

Neste caso pídese que, tal e como se contempla no Tratado de Funcionamento da Unión Europea e, en particular, nos seus artigos 114, 118 e 168, se articule a lexislación necesaria para:

• Poñer durante a pandemia a disposición de todo o mundo a investigación e as tecnoloxías relacionadas coa súa curación. A saúde é un dereito e non deben estar nas mans privadas as decisión sobre o acceso aos tratamentos, as vacinas e os seus prezos.

• Total transparencia nos custes, contratos, xestión, efectividade, seguridade e contribucións públicas aos medicamentos e vacinas.

• Control público sobre as tecnoloxías e a investigación que foron desenvolvidas con recursos públicos.

• Que a pandemia non sexa utilizada para o lucro das grandes compañías farmacéuticas a costa da saúde das persoas, apelando á solidariedade e ao control público dos nosos sistemas de Seguridade Social.

Asina aquí á iniciativa e accede a máis información.

Casos notificados COVID-19 como Continxencia Profesional. Datos acumulados febreiro-outubro 2020

O presente informe, partindo de datos de avance acumulados, analiza os accidentes de traballo, que responden ao código de descrición da lesión 073 - novo código (COVID-19) no campo descrición da lesión, que deberá utilizarse en todos os casos de contaxio de COVID-19 para os que se determinou a continxencia profesional por accidente de traballo-, notificados entre xaneiro e outubrode 2020.

O Real Decreto-lei 19/2020, do 26 de maio, establece no seu artigo 9 que as enfermidades padecidas polo persoal que presta servizo en centros sanitarios ou socio-sanitarios, inscritos nos rexistros correspondentes, como consecuencia do contaxio do virus  SARS-CoV-2 durante o estado de alarma, terán consideración de continxencia profesional derivada de accidente de traballo, cando así se acredite polos servizos de Prevención de Riscos Laborais e Saúde Laboral.

Por outra banda, o Real Decreto-lei 28/2020, do 22 de setembro, de traballo a distancia, na súa Disposición adicional décima establece que , consideraranse, con carácter excepcional, situación asimilada a accidente de traballo, exclusivamente para a prestación económica de incapacidade temporal do sistema de Seguridade Social, aqueles períodos de illamento ou contaxio das persoas traballadoras provocados polo virus COVID-19, salvo que se probe que o contaxio da enfermidade contraeuse con causa exclusiva na realización do traballo nos termos que sinala o artigo 156 do texto refundido da Lei Xeral da Seguridade Social, aprobado polo Real Decreto Lexislativo 8/2015, do 30 de outubro, nese caso será cualificada como accidente de traballo

Estas novas consideracións na cualificación da continxencia fixo necesario engadir un código novo no Sistema  Delt@, para os casos de contaxio por COVID-19, posibilitando así un mellor seguimento estatístico.

A recomendación publicada na páxina web da Oficina Estatística da Unión Europea (EUROSTAT) sobre o tratamento estatístico de datos de saúde e seguridade no traballo no contexto da crise COVID-19, propuxo engadir un novo código 073 no campo descrición da lesión para os casos de COVID-19 recoñecidos como accidentes de traballo. O 3 de xuño de 2020 engadiuse este novo código 073 (COVID-19) no campo descrición da lesión, que deberá utilizarse en todos os casos de contaxio de COVID-19 para os que se determinou a continxencia profesional por accidente de traballo.

Os datos mensuais de avance sobre accidentes de traballo, publicados pola Subdirección Xeral de Estatística e Análise Sociolaboral recolle o número de casos de contaxio por COVID-19 recoñecidos como accidentes de traballo ata a data de extracción dos respectivos avances e cuxa data de baixa está dentro do período de referencia dos datos (dende xaneiro de 2020), en aplicación da normativa específica sobre o recoñecemento de accidentes de traballo por esta patoloxía.

Prevención e saúde laboral ante o coronavirus nas OFICINAS. Actualización 21 de decembro de 2020

O ISSGA pon a disposición o cartel e folleto informativo con recomendacións preventivas nas OFICINAS, sobre medidas previas ao comezo da actividade, distancia de seguridade, hixiene e limpeza e medidas organizativas.

Procedemento de actuación para os servizos de prevención de riscos laborais fronte á exposición ao SARS-CoV-2. Actualizado a 21-12-2020

Modificación: Adecuación aos cambios na Estratexia de detección precoz, vixilancia e control de COVID-19 e á Avaliación do risco da transmisión de SARS-CoV-2 mediante aerosois. Cambio na Táboa 1. Escenarios de risco de exposición. Supresión do Anexo III, 

Aprobación definitiva da Relación de Postos de Traballo do Concello de Betanzos

Bases para a constitución dunha bolsa de emprego con carácter interino para postos de funcionarios da escala de Administración Xeral, subescala auxiliar

 

A CIG proponlle ao Comité de Empresa que presente un conflito colectivo polo incumprimento do Convenio colectivo coa aprobación da RPT

Tres anos despois de entrar en vigor o Convenio colectivo do persoal laboral, o goberno de María Barral, que ten completamente paralizada a Comisión Paritaria do Convenio colectivo e comete continuos incumprimentos do marco legal dos traballadores laborais deste Concello, pola interpretación unilateral do texto, levou ao pleno da corporación un acordo que incumpre abertamente o recollido no artigo 79 do Convenio:

Artigo 79.º A Relación de Postos de Traballo.

3) O persoal comprendido no ámbito de aplicación deste Convenio ocupará postos de traballo, singularizados ou non singularizados, de acordo coa correspondente relación. A relación de postos de traballo incluirá os correspondentes a todo o cadro de persoal funcionario e laboral, así como os que haxa que dotar a través da correspondente oferta de emprego.

Os propios delegados de laborais da CSIF votaron na Mesa Xeral de Negociación a favor dun acordo que contravén o Convenio colectivo, porque consideran máis importante o beneficio que algúns postos de funcionarios tiran na RPT que o marco normativo do propio persoal laboral, aínda cando o seu voto supón a exclusión do colectivo da RPT.

A pesar disto, e entendendo que o Comité de Empresa se debera posicionar na contra da vulneración do Convenio colectivo co acordo da Mesa Xeral de Negociación e do pleno da Corporación, a CIG vén de lle propoñer ao presidente do Comité de Empresa, Santiago Ois, que na vindeira reunión do Comité de Empresa, que segundo o regulamento debera ser o 4 de xaneiro de 2021, inclúa o seguinte punto na orde do día:

Acordo do Comité de Empresa sobre a presentación dunha demanda de conflito colectivo contra o Concello de Betanzos polo incumprimento do artigo 79 do Convenio colectivo do persoal laboral coa exclusión da maior parte dos postos do persoal laboral da nova Relación de Postos de Traballo.

O motivo dunha explicación tan demorada do punto vén determinada porque a presidencia e a secretaría do Comité se teñen negado a realizar votacións de puntos da orde do día ao indicar que non poñían expresamente que se trataba dun acordo, dificultan os debates e a liberdade de expresión no seo do Comité de Empresa e non executan os acordos que se adoptan cando non lle veñen ben á CSIF, como cando o Comité acordou presentar alegacións á RPT e finalmente non as presentou por supostos defectos de forma no desenvolvemento da reunión.

A estratexia da CSIF no Concello de Betanzos está clara e no Comité de Empresa simplemente reproduce o modelo que dificulta os debates, a negociación e os acordos en beneficio dunha pequena parte do funcionariado e co beneprácito do goberno local, mais isto non impide que a CIG siga levando iniciativas ao Comité de Empresa para loitar polos dereitos do persoal laboral nun momento no que é o colectivo máis menosprezado na historia deste Concello, cunha continua xudicialización das relacións laborais e incumprimento de sentenzas por parte do goberno local ante as que o Comité de Empresa presidido por CSIF permanece impasible para alegría de certos colectivos historicamente beneficiados por esta Administración local.

Anuncio das bases de convocatoria do concurso-oposición para praza de arquitecto/a técnico

A CIG demanda que o SMI se incremente até os 1.150 € e a supresión do IPREM

A central sindical exixe que se cumpra coa Carta Social Europea

Diante do anuncio do inicio das negociacións do goberno español con patronal e sindicatos para decidir se soben o Salario Mínimo Interprofesional, a CIG demanda, máis unha vez, que este se incremente até os 1.150 € e a supresión do IPREM como índice de referencia para calcular as contías das prestacións sociais públicas.

Así o afirma o secretario xeral da CIG, Paulo Carril, quen explica que a Carta Social Europea establece que, cando menos, o SMI ten que situarse no 60% do salario medio que, segundo o INE sitúase no 1.917 €/mes. “Isto suporía, que, de forma automática, o salario mínimo interprofesional pasara a ser de 1.150€”.

Carril exixe ademais a supresión do Indicador Público de Renda de Efectos Múltiples (IPREM) e que se utilice, na súa vez, o SMI como única referencia de indicador público para os efectos de fixar a contía de calquera tipo de prestación social pública. "O IPREM foi creado no seu momento coa única finalidade de mermar as prestacións públicas e polo tanto dentro da lóxica de avanzar nos baixos salarios e prestacións. Por iso, de se manter como índice de referencia, provocaríase unha situación tremendamente inxusta ".

Que se aplique a Lei!!

Para o secretario xeral da CIG tamén é “lamentable” que volva situarse este debate no diálogo social, que tantas veces ten acordado medidas que impiden a dignificación das condicións salariais da clase traballadora (pactos con Rajoy, coa patronal…).

Carril entende que “non ten sentido ningún que se anuncie a negociación do que é simplemente a aplicación dun dereito, a non ser que se queira limitar” e considera “impresentable” que o goberno español, nos orzamentos que vén de aprobar decretara a conxelación do SMI.

A CIG logra 2 delegados/as no comité do Concello de Sada e recibe tantos votos como o resto das candidaturas xuntas

 A central nacionalista non tiña representación entre o persoal laboral

Nas eleccións sindicais do persoal laboral celebradas no Concello de Sada o pasado xoves, a CIG conseguiu dous delegados dos cinco que se elixían e obtivo o mesmo número de votos que a suma do resto das candidaturas que se presentaban. Con este resultado, a central nacionalista, que até agora non tiña representación, convértese na forza con maior apoio entre o persoal laboral.

Por colexios, no de Especialistas, no que se elixían catro representantes, a CIG conseguiu dous delegados/as, mentres que as candidaturas de CSIF e USO obtiveron un representante cada unha. No colexio de Técnicos/as escollíase un delegado/a que foi para a lista da CSIF.

A representación da CIG agradece a confianza depositada polos traballadores e traballadoras nas súas candidaturas, o que constitúe un aval ao labor sindical desenvolvido nos últimos catros anos; e indican que este resultado reforza  o compromiso na defensa dos dereitos laborais e salariais do conxunto do persoal laboral do Concello de Sada.

Criterio técnico do INSST sobre medidas de protección persoal fronte ao coronavirus SARS-CoV-2: conceptos sobre a súa utilización no ámbito laboral

 O presente criterio técnico do INSST ten como obxectivo aclarar conceptos relativos ao uso de máscaras  no ámbito laboral fronte ao coronavirus SARS-CoV-2

Chegará a xornada laboral de 4 días? Estes son unha parte dos beneficios e desvantaxes que traería esta reforma

Segundo os expertos, reducir a semana laboral ten múltiples beneficios. O máis obvio: facilitar a conciliación entre actividade laboral e vida persoal. Con todo, tamén hai quen aseguran que en realidade sería unha medida menos efectiva que apoiar ás empresas que ofrezan, na medida das súas posibilidades, flexibilidade horaria aos traballadores/as. É dicir, evitar do todo eses días nos que é imposible conciliar ou desconectar e non reducilos de cinco a catro.

Fai cen anos, tras unha durísima folga que ata ocasionou unha intervención militar, o Estado español converteuse (polo menos, sobre o papel) no primeiro país europeo en aprobar a xornada laboral de oito horas. Un fito social que agora poderiamos estar a piques de superar se, como asegurou o vicepresidente segundo, Pablo Iglesias, o Goberno «explora» incorporar a semana laboral de catro días. Deixando á marxe a conveniencia de lanzar un debate deste calado en plena crise económica, para a maioría dos traballadores/as a medida plantexa unha serie de suxestivas vantaxes. Polo menos sobre o papel.

Vantaxes e desvantaxes

Segundo os expertos, reducir a semana laboral ten múltiples beneficios. O máis obvio: facilitar a conciliación entre actividade laboral e vida persoal. Parece lóxico supoñer que unha fin de semana de tres días permitiranos dedicar máis tempo á familia e as aficcións, o que ademais redundará na nosa saúde. Reduciríanse os problemas de estrés e, con iso, o gasto asociado a paliar as súas consecuencias. Un aforro ao que a sanidade pública podería sumar os derivados da menor incidencia da siniestralidade laboral e de doenzas tipicamente ligadas ao sedentarismo.

Con todo, tamén hai quen aseguran que en realidade sería unha medida menos efectiva que apoiar ás empresas que ofrezan, na medida das súas posibilidades, flexibilidade horaria aos traballadores/as. É dicir, evitar do todo eses días nos que é imposible conciliar ou desconectar e non reducilos de cinco a catro.

Sector laboral, clave

Por outra banda, non é unha opción viable para todos os sectores; a maior parte das empresas adicadas á produción abren só entre semana mentres que moitas das de servizos (como na hostalería ou no comercio) tamén o fan en fins de semana ou parte deste. É dicir, no mercado laboral hai diferentes modalidades de traballo con  libranzas que non se rexen polo calendario. E, é máis, unha fin de semana de tres días supoñerá maior demanda por parte dos traballadores/as que poden gozar dos servizos que ofrecen os que non descansan.

Mellora da produtividade e medre do emprego

Por paradoxal que poida resultar parece que cando sabemos que temos menos tempo para realizar unha tarefa somos moito máis eficientes que cando non existe esa presión. O problema é que isto aínda non é algo demostrado nin xeneralizable a todas as  terefas e persoas, por non falar de que a produtividade non é sempre  cuantificable.

Por outra banda, que os traballadores/as/as descansen non implican que tamén o fagan as instalacións, nin sequera nas empresas nas que fose posible parar tres días, así que, por que non aproveitar os días de libranza do persoal para que outros traballadores/as desempeñen o seu traballo e incrementen a produtividade da empresa? É dicir, reducir os días de traballo duns servirá para dar emprego a outros.

A pega é que o debate xorde nun momento no que a tecnoloxía está a revolucionar a produtividade en moitas empresas. Aínda estamos moi lonxe da predición do economista John  Maynard  Keynes, que en 1930 asegurou que a tecnoloxía faría posible que aos seus netos bastaríalles con traballar quince horas á semana, pero en moi pouco tempo veremos a moitas empresas cambiar radicalmente a súa maneira de funcionar e, con ela, variarán a cantidade e tipo de profesionais que necesiten.

Que pasará co soldo?

Tamén queda no aire outra pregunta. Que pasa co salario? Menos días de traballo implica unha menor remuneración? Ou a paga vai vinculada á produtividade e, por tanto, se esta non sofre a nómina tampouco ten quefacelo? E como afectará á pensión ou as prestacións por desemprego? Como se reformará o cómputo das cotizacións?

A única proposta política exposta ata o de agora é a da emenda (rexeitada) aos Orzamentos Xerais de grupo político Más País, que expuña destinar unha partida de 50 millóns de euros do fondo de Recuperación e Resiliencia para ofrecer incentivos ás empresas que participasen nunha proba piloto para implantar a semana laboral de 32 horas. Así, as empresas cobrarían un complemento que lles permitiría manter intactos os salarios ata que se consolidase o incremento de produción derivado do maior rendemento do empregado.

Máis sostible

Tamén hai quen cre que serviría para combater o cambio climático: traballar catro días no canto de cinco reduciría o consumo enerxético en moitas empresas e evitaría numerosos desprazamentos en coche. Claro, que estamos a pisar o argumento anterior; é dicir, isto só vale se non aproveitamos o descanso dos traballadores/as par que outros ocupen o seu posto.

Ten que impoñerse por lei?

Por último, tamén habería que cuestionarse canto hai que facer antes de impoñer un cambio así por lei. Ademais de insistir en sinalar a precariedade como un dos maiores problemas do mercado laboral no Estado español e o seu crecemento coa 'uberización' da economía, debemos lembrar que numerosas empresas aínda non habilitaron o rexistro de xornada e que, por tanto, en moitas delas bótanse horas extra que ás veces nin se pagan.

Fonte e autora: elcorreo.com. Iratxe Bernal

www.cigsaudelaboral.org

Incluído o SARS-CoV na lista de axentes biolóxicos

Hoxe entra en vigor a Orde TES/1180/2020, do 4 de decembro, que adapta os anexos II, IV e V do Real Decreto 664/1997, do 12 de maio, sobre protección dos traballadores contra os riscos relacionados coa exposición a axentes biolóxicos durante o traballo, o cal supón incluír ao coronavirus da síndrome respiratoria aguda grave 2 (SARS- CoV), causante do brote de COVID-19, como novo axente biolóxico

Hoxe entra en vigor a Orde TES/1180/2020, do 4 de decembro (BOE do 10 de decembro), que adapta os anexos II, IV e V do Real Decreto 664/1997, do 12 de maio, sobre protección dos traballadores contra os riscos relacionados coa exposición a axentes biolóxicos durante o traballo, traspoñendo as Directivas (UE) da Comisión 2020/739, de 3 de xuño e (parcialmente) a 2019/1833, de 24 de outubro de 2019, o cal supón incluír ao «coronavirus da síndrome respiratoria aguda grave 2» (SARS- CoV), causante do brote de COVID-19, como novo axente biolóxico.

A regulación contida na nova redacción dos anexos IV e V do Real Decreto 664/1997, serán de aplicación dende o 11 de decembro de 2020 para as indicacións relacionadas coa familia « Coronaviridae», pero as indicacións relacionadas co resto dos axentes biolóxicos seguirán sendo de aplicación na súa redacción anterior ata o 19 de novembro de 2021.

www.cigsaudelaboral.org

Novo regulamento de axudas sociais

Na Mesa Xeral de Negociación de decembro de 2018 do Concello de Betanzos aprobouse un regulamento de axudas sociais cuns criterios un chisco máis xustos polos que levabamos anos loitando. Se ben a proposta final consideramos que non é todo o xusta que debera e que realmente non responde a uns verdadeiros criterios sociais porque as axudas son para a unidade familiar mais se teñen en conta exclusivamente os ingresos do/a traballador/a, e que o incremento das contías sen un incremento da partida orzamentaria das axudas sociais que cada ano fica escasa non vai supor unha grande mellora nos casos que máis a precisan, abstivémonos ao entender que era un avance con respecto a unha bases máis que obsoletas e vixentes desde o ano 2001 e pola loita que o anterior Comité de Empresa fixera para que se levase a cabo esta negociación.

Un ano despois do acordo da Mesa Xeral de Negociación o Concello leva ao pleno a aprobación inicial do regulamento de axudas sociais que se aprobou hai máis dun ano. Achegámosvos o documento que fora á Mesa Xeral de Negociación e que logo tivo unhas leves varias nas contías que solicitamos por rexistro que nos achegue o Concello, en todo caso logo da aprobación polo pleno aprobarase de xeito provisional no momento en que se publique no Boletín Oficial da Provincia e cando transcorra o prazo correspondente de xeito defintivo, momento no que entrará en vigor.

De ter en conta as bases das axudas sociais actuais, o Concello xa debera ter efectuada a convocatoria para as axudas sociais do ano 2020, non obstante, en anos anteriores realizáraa no mes de xaneiro, mais polo momento no Departamento correspondente non teñen constancia de cando se abrirá o prazo. Cómpre lembrar que o Comité de Empresa anterior loitara para que as axudas se convocaran e cobraran en tempo e forma, o actual, descoñecemos que pasos dá neste sentido, posto que está desaparecido e nin sequera informa aos propios membros do organismo que a CSIF utilizou para baleirar de contido e acabar co traballo sindical do Comité de Empresa a prol do persoal laboral.

A caída no aparcamento da empresa durante o tempo de descanso entre a xornada de mañá e a de tarde é accidente de traballo

A Sala de suplicación chega á conclusión de que a continxencia da Incapacidade Temporal litixiosa, deriva de accidente de traballo, tras descartar que se aplique a presunción de laboralidade do artigo 156.3 da LXSS, pero si o número un do mesmo precepto legal, entendendo que a lesión produciuse con ocasión do traballo executado por conta allea, aplicando a teoría da ocasionalidade relevante recollida en diversas sentenzas do Tribunal Supremo.

Consta acreditado que sobre as 14:30 horas do 28 de setembro de 2006, cando o actor dirixíase ao seu vehículo situado no aparcamento da empresa durante o seu tempo de descanso de 40 minutos esborou caendo ao chan, consecuencia do cal sufriu unha contusión no seu ombreiro dereito e unha pequena ferida enel cóbado. O actor acudiu á Mutua, que non emitiu parte de baixa, ao considerar que non se trataba dun accidentede traballo ao non producirse en tempo de traballo, aínda que lle proporcionou asistencia médica. O médico de cabeceira do actor emitiu parte de baixa dende o 28 de setembro de 2016 con diagnóstico de luxación acromio- clavicular dereita.

A Sala de suplicación chega á conclusión de que a continxencia da Incapacidade Temporal litixiosa, deriva de accidente de traballo, tras descartar que se aplique a presunción de laboralidade do artigo 156.3 da LXSS, pero si o número un do mesmo precepto legal, entendendo que a lesión produciuse con ocasión do traballo executado por conta allea, aplicando a teoría da ocasionalidade relevante recollida en diversas sentenzas do Tribunal Supremo.

En definitiva, sostén que a saída do traballador á rúa estivo vinculada co traballo pois unicamente por razón do mesmo produciuse a saída e, por tanto, o evento lesivo, equiparando o referido descanso a tempo de traballo.

Por Mutualia interponse recurso de casación, que desestima ou Tribunal Supremo, confirmando a sentenza recorrida e declarando a súa firmeza.

www.cigsaudelaboral.org

Orde do día do pleno de hoxe

O goberno de María Barral leva ao pleno de hoxe as alegacións á RPT

Ao contrario do que acontecera no ano 2015 cando o Comité de Empresa asinara o novo convenio colectivo que non entrara en vigor ata o ano 2017, o goberno de María Barral bule a levar ao pleno a denegación da meirande parte das alegacións presentadas polo persoal a esta RPT.

Este documento tivo un total de 39 alegacións, a maoría delas de traballadores laborais e funcionarios e a maioría delas cunha proposta de desestimación por conta dun informe de Quorum económico, a empresa que xa hai uns anos non ten contrato con esta administración mais segue informando de xeito externo, e coa grande ausencia de novos informes de Secretaría e Intervención a pesar da creación dun novo posto e da inclusión de tres novas prazas que necesariamente supoñen unha modificación económica da previsión inicial mais que, á vista dos feitos, isto non é relevante para a preceptividade dun informe da Intervención.

Os informes achegados por Quorum que o goberno de María Barral asume plenamente estiman só 2 alegacións de traballadoras cuxos postos non aparecían en febreiro e teñen sentenza xudicial, mais desestiman outro lote de traballadores que contan con sentenzas xudiciais firmes e mesmo estiman a creación dunha nova praza de técnico de administración xeral (e xa van 2 nunha RPT na que seica non se poden crear postos sen sentenza xudicial)

A CIG ten constancia de ata 8 sentenzas desde decembro de 2019 ata outubro de 2020 cuxas prazas non constan no documento. O concelleiro de Persoal, Diego Fernández, mentiu abertamente na Mesa Xeral de Negociación ao dicir que só non se incluían as últimas sentenzas do mes de setembro, basicamente porque nin sequera inclúen unha do ano 2019 e tamén porque é un absurdo aludir á non firmeza dalgunha das sentenzas á vez que indicar que non se van recorrer, por tanto, son firmes, xa que o único que as pode recorrer é propio Concello de Betanzos.

A maiores, tal e como a CIG expuxo na Mesa de Negociación, o Concello errou no procedemento, posto que a inclusión dun novo posto, é unha modificación da aprobación inicial da RPT e debería haber outra aprobación inicial, do contrario, non se poden realizar alegacións á valoración dese posto, posto que na RPT de febreiro non estaba, e non só conculca os dereitos do persoal ao que isto lle vai afectar senón que o discrimina porque nin sequera aceptou ningunha das propostas para que a valoración do posto non fose discriminatoria e recollese algunhas funcións que na actualidade realiza.

Hoxe, María Barral e o seu equipo de goberno constatarán o desprezo polo persoal laboral deste Concello e perpetuarán as mentiras sobre a consolidación de postos e a RPT que o propio PSOE tivo máis de vinte anos para solucionar e non o fixo. A maioría dos postos do persoal laboral constaban en todas as RPT do Concello de Betanzos desde ao anos noventa e os distintos gobernos considerábanos estruturais, agora e desde o ano 2020 o Concello de Betanzos considera que a meirande parte dos postos ocupados polo persoal laboral non son estruturais, non deben forman parte da RPT, e, por tanto, non son indispensables para o normal funcionamento do Concello.

Se a este despropósito lle unimos que crean novos postos para funcionarios, pretenden reconverter pola vía dos complementos os postos de auxiliares administrativos ou mesmo un de chófer-alguacil, en administrativos e que un traballador de limpeza funcionario cobre máis de 3000 euros máis ao ano que un traballador de limpeza laboral fixo que probablemente leve os mesmos anos mais non tivo a "sorte" dun proceso funcionarización, esta RPT perpetuará as políticas históricas de discriminación do persoal laboral do Concello de Betanzos xa que non se acompaña de ningunha medida a curto prazo para solucionar a situación. O que é peor, é que o goberno do PSOE nin sequera cumpre o único compromiso que reiteraba nas mesas de negociación, que era ir incluíndo as sentenzas segundo que fose chegando e que agora pasou "xa se van incluír nos próximos meses" que non fai máis que obrigar a recorrer a RPT aos traballadores afectados, cos posibles custos que isto teña para eles, a maiores dos que xa tiveron que soportar para contar cunha sentenza de indefinición.

A CIG lamenta que o Concello de Betanzos lle faga pagar aos traballadores e traballadoras a nefasta política histórica do persoal, que non sexa quen de dar un paso adiante, admitir as discriminacións, pór enriba da mesa un plan a curto prazo para eliminalas dunha vez por todas e tratar en igualdade de condicións a todo o persoal independentemente de que teña un contrato ou un nomeamento, sexa persoal laboral ou funcionario. Tamén lamenta que o sindicato de funcionarios e os representantes da CSIF tanto funcionarios como laborais apoiasen este documento que deixou patente cal era a única finalidade que tiña ao presentarse ás eleccións do persoal laboral. 

É lamentable que o presidente do Comité de Empresa apoie un documento que considera que a meirande parte dos postos do persoal laboral non son estruturais neste Concello e que os que seica o son, deben cobrar menos por igual traballo, demostrando que no sindicato dos funcionarios aínda promove o clasismo en estado puro.

A Sección sindical da CIG xa está a traballar nas posibilidades de recurso á Relación de Postos de Traballadores que previsiblemente hoxe o PSOE vai aprobar no pleno do Concello e buscará todas as vías posibles para seguir loitando contra a discriminación do persoal laboral no Concello de Betanzos.

Prevención no SERVIZO DE AXUDA A DOMICILIO fronte ao coronavirus. Actualización do 19/11/2020

O ISSGA pon a disposición esta guía cunha serie de recomendacións preventivas básicas que se deben ter en conta na actividade do servizo de axuda a domicilio segundo as indicacións das autoridades sanitarias en función da situación epidemiolóxica de Galiza. Todo isto sen prexuízo da necesidade de medidas específicas que se deban adoptar en función das características concretas da actividade e a diversidade funcional da persoa usuaria que corresponden ao servizo de prevención de riscos laborais.

Casos notificados COVID-19 como continxencia profesional. Datos acumulados febreiro-setembro 2020

O presente informe, partindo de datos de avance acumulados, analiza os accidentes de traballo, que responden ao código de descrición da lesión 073 - novo código (COVID-19) no campo descrición da lesión, que deberá utilizarse en todos os casos de contaxio de COVID-19 para os que se determinou a continxencia profesional por accidente de traballo-, notificados entre xaneiro e setembro de 2020.

O Real Decreto-lei 19/2020, do 26 de maio, establece no seu artigo 9 que as enfermidades padecidas polo persoal que presta servizo en centros sanitarios ou socio-sanitarios, inscritos nos rexistros correspondentes, como consecuencia do contaxio do virus  SARS-CoV-2 durante o estado de alarma, terán consideración de continxencia profesional derivada de accidente de traballo, cando así se acredite polos servizos de Prevención de Riscos Laborais e Saúde Laboral.

Por outra banda, o Real Decreto-lei 28/2020, do 22 de setembro, de traballo a distancia, na súa Disposición adicional décima establece que , consideraranse, con carácter excepcional, situación asimilada a accidente de traballo, exclusivamente para a prestación económica de incapacidade temporal do sistema de Seguridade Social, aqueles períodos de illamento ou contaxio das persoas traballadoras provocados polo virus COVID-19, salvo que se probe que o contaxio da enfermidade contraeuse con causa exclusiva na realización do traballo nos termos que sinala o artigo 156 do texto refundido da Lei Xeral da Seguridade Social, aprobado polo Real Decreto Lexislativo 8/2015, do 30 de outubro, nese caso será cualificada como accidente de traballo.

Estas novas consideracións na cualificación da continxencia fixo necesario engadir un código novo no Sistema  Delt@, para os casos de contaxio por COVID-19, posibilitando así un mellor seguimento estatístico.

A recomendación publicada na páxina web da Oficina Estatística da Unión Europea (EUROSTAT) sobre o tratamento estatístico de datos de saúde e seguridade no traballo no contexto da crise COVID-19, propuxo engadir un novo código 073 no campo descrición da lesión para os casos de COVID-19 recoñecidos como accidentes de traballo. O 3 de xuño de 2020 engadiuse este novo código 073 (COVID-19) no campo descrición da lesión, que deberá utilizarse en todos os casos de contaxio de COVID-19 para os que se determinou a continxencia profesional por accidente de traballo.

Os datos mensuais de avance sobre accidentes de traballo, publicados pola Subdirección Xeral de Estatística e Análise Sociolaboral recolle o número de casos de contaxio por COVID-19 recoñecidos como accidentes de traballo ata a data de extracción dos respectivos avances e cuxa data de baixa está dentro do período de referencia dos datos (dende xaneiro de 2020), en aplicación da normativa específica sobre o recoñecemento de accidentes de traballo por esta patoloxía.

Avaliación do risco da transmisión da Covid-19 mediante aerosois. Medidas de prevención e recomendacións

Estudo de diagnose previo ao Plan de igualde interno e cronograma

Achegamos o estudo de diagnose previo ao Plan de igualdade interno do Concello de Betanzos e mais o cronograma para a elaboración do plan que se acordou na Comisión Paritaria de Igualdade deste mes de novembro

CSIF CONSOLIDA A SÚA ALIANZA CO GOBERNO MUNICIPAL PARA DESESTIMAR AS ALEGACIÓNS Á RELACIÓN DE POSTOS DE TRABALLO

 A CSIF vén de consolidar a súa alianza co goberno municipal nunha Mesa Xeral de Negociación á que nunca asiste nin o propio presidente do Comité de Empresa e que conta co beneprácito das representantes da CSIF do persoal laboral para levar a cabo unha RPT que exclúe e discrimina ao persoal laboral mediante a eliminación dos postos e a valoración discriminatoria dos que si que forman parte da RPT. O goberno do PSOE e a CSIF acordan desestimar a meirande parte das alegacións presentadas polos traballadores e traballadoras e o resto dos sindicatos e, entre elas, todas as que reclamaban a incorporación dos postos do persoal laboral á RPT.

A CIG recriminoulle ao goberno de María Barral que enviase aos traballadores ao xulgado para logo non incluír os postos na RPT e obrigalos a recorrer a RPT e Diego Fernández argumenta que se fará nos próximos seis meses e que efectivamente ten coñecemento da existencia de novas sentenzas que non inclúen na RPT, a pesar de que o acordo inicial foi ir incluíndo os postos segundo fosen chegando as sentenzas. O goberno recoñece, pois, que incumpre o acordo e incumpre as sentenzas con este documento mais coa axuda da CSIF decide levalo adiante igualmente.

A maiores, nesta modificación da RPT o Concello crea unha nova praza de técnico de Administración xeral para o departamento de Intervención e estima así a alegación que a propia habilitada nacional do departamento fixo á RPT. Por tanto, o goberno estima as alegacións para a creación dunha praza que nin existía porque o solicita unha funcionaria mentres desestima as alegacións de traballadores laborais que levan máis de 30 anos traballando no Concello para que as súas prazas e postos consten no documento.

Ademais, desde a Sección sindical da CIG consideramos gravísimo que na documentación se admita claramente que se recomenda que o persoal laboral perciba as mesmas retribucións que o funcionariado mais que o Concello indique que na práctica non se vai levar a cabo porque suporía un importante gasto e admita así a discriminación salarial histórica que tivo o persoal laboral do Concello de Betanzos con respecto aos homólogos funcionarios.

A CIG votou en contra desta Relación de Postos de Traballo, remitiuse á postura mantida durante toda a negociación e ás alegacións presentadas á aprobación inicial da RPT e presentará un recurso no momento en que esta se aprobe definitivamente logo se superar o trámite plenario.

Desde a CIG lamentamos que o goberno da maioría absoluta de María Barral tome estas decisións non só en contra do que indica a lexislación e as sentenzas, senón tamén en contra da vontade da meirande parte dos traballadores laborais e mesmo dunha parte do funcionariado. Nunca antes na historia do Concello de Betanzos se levara adiante unha RPT con tantas alegacións e disentimento por parte do persoal e co beneprácito da minoría dos representantes do persoal laboral, xa que tanto a CIG como UGT votaron en contra do documento e só foi a CSIF a que a apoiou sen ningún tipo de discrepancias.

Finalmente, o goberno municipal achegou unha proposta de regulamento do funcionamento do control horario e mais unha proposta de regulamento da asignación do complemento de produtividade que se negociará nos vindeiros meses e a CIG adiantou as súas principais discrepancias que trasladará por escrito ao longo deste mes.

RPT (Mesa Xeral de Negociación 30 de novembro de 2020)

 Achegamos a RPT que o Concello de Betanzos levou á Mesa Xeral de Negociación do 30 de novembro de 2020 e que a CIG e a UGT votaron en contra e a CSIF votou a favor.

Proposta do Concello de Betanzos para o regulamento da asignación do complemento de produtividade

O Concello de Betanzos vén de presentar na Mesa Xeral de Negociación de hoxe unha proposta de regulamento de asignación do complemento de produtividade, logo de que a Inspección de Traballo lle fixese un requirimento para negociar este reparto a raíz dunha denuncia da CIG pola asignación irregular que o Concello de Betanzos lle viña facendo a determinados traballadores deste complemento retributivo que estaba pendente de regular.

A CIG adiantou que non está de acordo con que se exclúa a unha parte do persoal para o reparto do complemento de produtividade porque entende que é discriminatorio, tamén da necesidade de que o Concello conte cun organigrama claro que na actualidade non existe. Así mesmo, indicou que dubida da legalidade de que a valoración en moitos casos sexa directamente realizada por concelleiros que nin están diariamente no Concello, como pasa en varios departamentos cuxo responsable directo está nese caso e que debería incluírse un apartado sobre a a publicidade do reparto do complemento e sobre as obrigas de información aos representantes dos traballadores.

Ao igual que no caso do regulamento anterior, as seccións sindicais poden presentar achegas ata o 31de decembro. A CIG achegará nas vindeiras semanas as súas propostas para este documento e calquera traballador que queira facer algunha achega pode poñerse en contacto con calquera dos delegados da CIG ou través do correo cigconcellobetanzos@gmail.com.

Proposta do Concello de Betanzos de regulamento do funcionamento do control horario

Achegamos a proposta de regulamento de funcionamento do control horario que o Concello de Betanzos entregou na Mesa Xeral de Negociación do 30 de novembro do 2020 e sobre o que as sección sindicais poderemos achegar propostas ata o 31 de decembro de 2020.

A CIG adiantou a súa postura e indicou que a regulación obxecto da xornada debe facerse a través da Comisión Negociadora do Convenio colectivo e do acordo regulador e non pode ser obxecto dunha regulación da Mesa Xeral de Negociación. Solicitou tamén que o control se realice en igualdade de condicións para a totalidade do persoal e que se regule de xeito clarificador, ademais lembrou a necesidade de adaptación das cuestións relativas á xornada e indicou a necesidade de actualización de varios aspectos sobre esta que recolle o Convenio colectivo do persoal laboral.

A CIG achegará nas vindeiras semanas as súas propostas para este documento e calquera traballador que queira facer algunha achega pode poñerse en contacto con calquera dos delegados da CIG ou través do correo cigconcellobetanzos@gmail.com.

Abrindo camiños n.º 68 Especial Mesa Xeral de Negociación

Convocatoria de Mesa Xeral de Negociación

 

Calendario Concello de Betanzos 2021

 

Resumo da reunión da Comisión Paritaria de Igualdade

Hoxe tivo lugar a reunión da Comisión Paritaria de Igualdade cuxos puntos principais eran a presentación dos resultados da diagnose interna  e a revisión do cronograma para a elaboración e aprobación do Plan de igualdade que agora vén regulada polo Real decreto 901/2020 que urxe os prazos para que estea aprobado nos primeiros meses de 2021.

O Concello presentou  uns datos moi interesantes non só fornecidos polo Departamento de Persoal senón tamén como resultado das enquisas realizadas. Se ben só o 17% do persoal cubriu as enquisas e na meirande parte foron mulleres con base a esa diagnose continuará a elaboración do Plan de igualdadade.

A seguinte fase será a das entrevistas nos distintos servizos, cos grupos sindicais e cos representantes políticos coa intención de que en marzo o Concello presente unha proposta de plan de igualdade que se debería aprobar na Comisión Paritaria de Igualdade e levarse ao pleno con posterioridade, para logo rexistralo unha vez aprobado, tal e como exixe a lexislación vixente.

O Departamento de Igualdade realizou un inxente traballo de recompilación de datos que ofreceu luz sobre moitas cuestións e que proximamente nos facilitará polo miúdo e vos achegaremos en canto sexa posible. Se ben é certo que parece que desta volta hai unha clara intención de levar o plan adiante esta contrasta co incumprimento dos acordos que se tomaron na Comisión paritaria anterior.

A flexibilización horaria que vén recoñecida tanto no acordo regulador como no convenio colectivo é unha medida de conciliación que o goberno municipal levan adiando tres anos coa escusa de que non ten implantado un sistema de control do horario que debería estar implantado hai un ano e medio, cando de publicou a norma que obriga a rexistrar a xornada do persoal.

Se ben o goberno local sempre se escusa en que na práctica non hai ningún tipo de problema cos permisos de persoal e as medidas de conciliación, estas deben regularse para poder aplicarse en igualdade de condicións á totalidade dos traballadores, porque do contrario a política de desleixo na implantación efectiva desta medida de conciliación tradúcese en que a non regulación dun dereito do persoal disfrázase como beneficio a determinados traballadores a través seus responsables e redunda e agrava as discriminacións entre quen non ten a posibilidade e/ou capacidade de negociar indivualmente mais si de acollerse aos dereitos que recollen os marcos reguladores de dereitos do persoal.

As medidas de conciliación son un dereito e deben regularse en igualdade de condicións para todo o persoal, máis aínda cando o goberno de María Barral foi quen aprobou o Convenio colectivo e mais o acordo regulador e tamén dixo que non había problema con esta cuestión en varias mesas de negociación e comisións. Se efectivamente non hai problema debería ter fácil solución e non tardar tres anos en regularse, porque resulta bastante lamentable xa que a proximidade cunha parte do persoal leve a pensar que todo o persoal está na mesma situación cando as discriminacións son máis que evidentes e o equipo de goberno é ben coñecedor delas.

25 N Día Internacional contra a violencia de xénero "Descoidar a quen coida é violencia machista"

O TSXG recoñéce o dereito á exención de tributación pola indemnización por despedimento

 Obrígase a tributar cando se volven prestar servizos, en 3 anos, nesa ou noutra empresa do grupo

A Asesoría Xurídica da CIG na Comarca de Compostela vén de gañar un xuízo contencioso-administrativo á Axencia Tributaria no Tribunal Superior de Xustiza de Galiza, onde o Tribunal Superior de Xustiza de Galiza recoñece ao traballador afectado o dereito á exención de tributación pola indemnización por despedimento. No caso de que un traballador ou traballadora sexa despedido e volte prestar servizos na mesma empresa ou noutra do mesmo grupo nun período de 3 anos, a administración presume que non existe desvinculación real da empresa, agás proba en contrario, e obriga aos traballadores e traballadoras a tributar por dita indemnización.

O traballador esgotara xa todos os recursos administrativos e alentado pola CIG interpuxo un recurso contencioso-administrativo, que finalmente veu dar a razón.

A Axencia tributaria, en todos os casos nos que os traballadores voltan prestar servizo na mesma empresa no período de 3 anos , presume que non hai desvinculación real, e obriga ás traballadoras e traballadores a acudir á vía xudicial, polo contencioso-administrativo. Isto conleva uns elevados gastos para estas traballadoras e traballadores, que teñen que dispor de procurador/a ademais de avogado/a, e aboar as costas xudiciais no caso de perder, o que fai que a maioría “acaben aboando as cantidades que facenda lles exixe por este concepto e desbotan acudir á via contenciosa”.

A CIG-Compostela entende que esta sentenza é de moita importancia para as traballadoras e traballadores, e anima a quen se vexan afectados por esta inxusta norma, a reclamar até o final e demostrar no xulgado a súa desvinculación real para que non ter que tributar pola inmdemnización por despedimento.

As mulleres en actividades de coidado de persoas maiores. Exposición a factores psicosociais en establecementos residenciais e servizo de axuda a domicilio

Este documento técnico presenta o estudo realizado sobre a exposición a factores psicosociais das mulleres que se dedican ao coidado de persoas maiores. En primeiro lugar, recóllense as principais conclusións obtidas a partir da revisión documental realizada na fase inicial do estudo, e posteriormente compleméntase coa información obtida nunha segunda fase de entrevistas a traballadoras do sector.

O coidado de persoas maiores é un sector de actividade en constante crecemento xa que, como consecuencia do progresivo envellecemento da poboación, cada vez máis persoas demandarán asistencia e coidados. Son traballos realizados tanto en centros residenciais como nos propios domicilios das persoas usuarias.

O sector está ocupado maioritariamente por mulleres. Trátase de traballos altamente esixentes, tanto física como psicoloxicamente.

Este documento técnico presenta o estudo realizado sobre a exposición a factores psicosociais das mulleres que se dedican ao coidado de persoas maiores. En primeiro lugar, recóllense as principais conclusións obtidas a partir da revisión documental realizada na fase inicial do estudo, e posteriormente compleméntase coa información obtida nunha segunda fase de entrevistas a traballadoras do sector.

Incluíronse algunhas reflexións sobre as condicións de traballo e os principais riscos psicosociais aos que están expostas as coidadoras no desempeño da súa actividade laboral.

O obxectivo do documento é ofrecer recomendacións sobre posibles medidas preventivas que contribúan a controlar os principais riscos psicosociais no sector.

Ligazón ao documento “As mulleres en actividades de coidado de persoas maiores. Exposición a factores psicosociais en establecementos residenciais e servizo de axuda a domicilio”.

Máis info en cigsaudelaboral.org

Festivos locais na provincia da Coruña 2021

Superamos as 100 000 visitas! Grazas!

O blogue da Sección sindical da CIG do Concello de Betanzos superou a pasada semana as 100 000 visitas o que demostra que é unha ferramenta máis necesaria ca nunca para a información do persoal do Concello de Betanzos.

Con nove anos ás costas xa, abrimos no 2001 unha xanela de información na rede que nunca antes existira orientada especificamente ao persoal do Concello mais que co tempo se abriu paso noutros ámbitos e que pretende ser un punto de información sindical para temas específicos do Concello mais tamén xerais de interese para todos os traballadores e traballadoras.

Desde a Sección sindical da CIG do Concello de Betanzos agradecemos enormemente este seguimento e apoio e seguiremos utilizando esta e outras canles para difundir toda aquela información que lle interesa aos traballadores e traballadoras do Concello de Betanzos.

Moitísimas grazas

Reunión da Comiisón Paritaria de Igualdade

A CIG no Concello de Ferrol rexeita a decisión de pechar a oficina do Catastro e deixar na rúa a dúas traballadoras

Pídenlle ao Goberno local unha solución para garantir o mantemento do servizo e dos empregos

A CIG no Concello de Ferrol traslada o seu rexeitamento e total desacordo coa decisión do Goberno local de pechar a oficina que resolvía os asuntos relativos ao Catastro, deixando na rúa as dúas traballadoras que atendían o servizo dende hai 17 anos. Para a representación da central nacionalista, este "non é o xeito máis correcto de proceder, pois nin sequera se informou ás propias traballadoras, que tiveron coñecemento da situación o día anterior ao peche da oficina".

Subliñan que, existindo alternativas para (pois a data de finalización do contrato coñecíase con anterioridade), non se entende que non se optase por unha solución que garantira a continuidade do servizo e, polo tanto, dos postos de traballo que agora se perden. "Se a opción é recuperar a xestión para asumila polo propio Concello, consideramos que deberían de subrogar tamén o persoal especializado que fai estas tarefas. Se o que se pretende é dar traslado do servizo a outra empresa, debería garantirse o dereito das traballadoras a manter o seu posto de traballo", apuntan.

Recorte na atención á cidadanía

A representación da CIG critica a postura do Goberno municipal ao non ter en conta con esta decisión nin a atención á cidadanía, que vai ver os seus expedientes, reclamacións, xestións etc., paralizados, véndose na abriga de ter que desprazarse até á Coruña para podelos resolver, nin a perda de dous postos de traballo "o que é aínda mais grave se cabe, no momento actual que nos toca vivir".

Así mesmo, explican que outra das consecuencias do peche deste servizo é, polo que se expresou publicamente, a asunción destas tarefas polo Concello, "que en lugar de incrementar o cadro de persoal, o que fai e sobrecargar o servizo que teña que asumir ese traballo, cando a administración local está saturada xa dende hai moito tempo con medios materiais e humanos totalmente precarios".

A isto engaden que o persoal que teña que levar a cabo este traballo terá que recibir formación específica para poder sacar adiante esta tarefa, "o que supón dilatar no tempo a resolución de todos os temas que actualmente estean pendentes".

Por todo isto, a representación da CIG demanda do Goberno Local unha solución inmediata que garanta a continuidade do servizo e dos postos de traballo existentes até o remate do contrato.

Educación recoñece a falta de persoal de limpeza para cumprir o protocolo covid nos centros de ensino

Ultima a contratación de máis persoal por acúmulo de tarefas atendendo á demanda da CIG

A CIG-Administración Autonómica celebra que, por fin, a consellería de Educación comprendera que o persoal de limpeza dos centros de ensino tiña unha sobrecarga de traballo inviable , xa que hoxe vén de autorizar unha serie de contratos na modalidade de acúmulo de tarefas até xuño do vindeiro ano. “Era visto que sen mais persoal é imposible garantir uns mínimos de limpeza para parar a covid nos nosos centros educativos: a desinfección e a hixienización dos espazos é imposible sen máis  medios materiais e sen máis persoal”.

Malia atender así unha das demandas da central sindical, desde a CIG-Administración Autonómica lembran a necesidade dun plan preventivo específico para este persoal con alta probabilidade de contaxio. 

Consideran ademais que a Xunta non cambiou o seu parecer porque  si, senón  que vén  derivado das accións que dende o pasado maio vénse desenvolvendo  na defensa da seguridade e saúde do alumnado  e familias dos centros educativos e do seu persoal. Concretamente coa  interposición dun conflito colectivo pola modificación substancial das condicións de traballo impostas a este persoal e que terá lugar  a finais de novembro e tamén pola denuncia presentada na  Inspección de Traballo que xa deu lugar a varios requirimentos da autoridade laboral.

Medida insuficiente

En todo caso, a CIG-Autonómica considera que esta medida non é suficiente xa que este tipo de contratos só se autorizaron para algúns centros, non é algo xeneralizado e “consideramos que a carga de traballo existe en todos xa que o “protocolo” e as conseguintes medidas que del derivan triplican as tarefas deste persoal”.

Por outra banda entenden que tampouco é suficiente que só se reforce o persoal de limpeza e non se faga o mesmo co persoal de cociña que, segundo declaracións da propia consellería o pasado fin de semana, pretenden solucionalo co incremento (insuficiente) de persoal colaborador que participa  voluntariamente na atención ó alumnado durante o servizo de comedor.

Aínda que a CIG-Administración Autonómica concorda co incremento de persoal colaborador insiste en que non resolve o problema do persoal de cociña profesional que é o que asume tanto a elaboración como a desinfección en todas as novas quendas de xantar establecidas e nos novos espazos habilitados e é garante dun bo servizo nutricional e de seguridade alimentaria.

Reitera pois a súa satisfacción pola medida mais insiste “no deber de participación da Xunta co persoal empregado publico para analizar a ampliación a tódolos centros tanto do persoal de limpeza como de cociña ou outro necesario neste contexto de pandemia”.

Nin eliminación da taxa de reposición, nin incremento salarial para frear a perda de poder adquisitivo

CIG-Área Pública denuncia ‘confinamento’ da negociación colectiva e desprezo aos sindicatos

Nunha reunión da Mesa Xeral das Administracións Públicas do Estado por videoconferencia con presenza das organizacións sindicais CIG, ELA, CSIF, UGT e CCOO, así como representantes de todas as administracións autonómicas e da FEMP, o Secretario de Estado do Ministerio de Política Territorial e Función Pública presentou, tan só unhas horas antes da reunión do Consello de Ministros e cando xa as dera a coñecer á prensa, as novidades que se incorporarán no proxecto de Lei de Orzamentos do Estado para 2021 a respecto dos e das empregadas públicas.

A confirmación da suba do 0,9% das retribucións así como pequenos cambios nos permisos regulados no EBEP ou o mantemento da taxa de reposición, sen ter enviado até agora ningún documento, foron as únicas novidades dunha reunión que foi abertamente criticada pola representación da CIG.

A reunión foi, por tanto, a demostración de que tamén a capacidade de negociar do actual goberno español está confinada. A perda de poder retributivo desde o ano 2010 mantense, malia a existencia nestes últimos anos dun acordo que foi vendido polos sindicatos asinantes como unha oportunidade para “recuperar o arrebatado”. A suba do 0,9%, que nin sequera inclúe claúsula de garantía salarial, non servirá tampouco desta volta para camiñar nesa recuperación da perda de poder adquisitivo, que a día de hoxe rolda xa o 10%.

Por iso a Área Pública da CIG demandou un maior esforzo retributivo que venza as limitacións de tantos anos de recortes e do fracaso do pacto sindical co anterior goberno do PP.

Preocupación polo aplicación de acordos retributivos e carreiras profesionais no ámbito da Xunta

A central sindical foi a única que propuxo que a suba retributiva do 0,9% imposta polo goberno español non tivese carácter básico e que non limitase a posibilidade de aplicar outras subas retributivas pendentes nas diferentes administracións. Así, no ámbito galego, está pendente a carreira profesional no SERGAS e na Administración Xeral da Xunta e o último prazo do mal chamado acordo retributivo de homologación do profesorado; o mesmo sucede en varios acordos das administracións locais galegas. “Se a suba do 0,9% se impón como un tope e non se dá cobertura legal á consecución dos obxectivos deses acordos ou carreiras pactadas, os incrementos pendentes serían eliminados”. Porén, o Secretariado de Estado non deu resposta á nosa demanda.

Mantéñense as taxas de reposición

Malia a situación actual, con altas taxas de temporalidade, e unha vez que remata a vixencia do actual acordo sindical dos sindicatos estatais CCOO, UGT e CSIF, no que aceptaron o mantemento de distintas taxas de reposición até o ano 2020, o Goberno propón que a taxa se manteña durante o 2021 con lixeiros cambios.

Sorprendentemente, os mesmos sindicatos que deron o visto bo á situación actual co acordo co PP, demandan agora que se elimine o que eles apoiaron no IIº Acordo para o emprego público e condicións de traballo 2018-2020, sumándose á demanda que a CIG ven mantendo en solitario nos últimos anos de que se elimine calquera taxa de reposición (ou cando menos o seu carácter de normativa básica). “Iso si, sen ningún rubor nin autocrítica polo pactado no 2018”.

A proposta do Goberno é unha taxa do 110% no caso de sectores prioritarios (educación, sanidade, universidade, xustiza, ciencia…). Só se poderían convocar 110 prazas de oposicións por cada 100 xubilacións. Esta mesma porcentaxe se aplicaría a concellos coa débeda amortizada. Noutros sectores (administración xeral) a taxa sería do 100% ou mesmo do 115% no caso das forzas e corpos de seguridade. 

A CIG reclamou a eliminación da taxa de reposición e lembrou que impoñer taxas desde o goberno central implica eliminar a capacidade das administracións autonómicas ou locais para crear emprego neto ou aprobar ofertas de emprego amplas, que dean resposta á alta taxa de temporalidade.

O propio Secretario de Estado recoñeceu unha taxa media superior ao 24% no conxunto do Estado, acusando ás CC.AA. de ser as responsables de manter esas cifras tan elevadas, ao tempo que se nega a eliminar o carácter básico das taxas de reposición. Cabe lembrar novamente que até o ano 2010 as taxas de reposición non existían en ámbitos como a educación ou a sanidade.

A CIG demandou tamén a derrogación da normativa limitativa de dereitos

A CIG demandou tamén a derrogación dos Reais Decretos-Ley que se foron impoñendo ao persoal das administracións públicas dende o ano 2010 polos sucesivos gobernos do PSOE e do PP, a saber: RD-Ley 8/2010, RD-Ley 20/2011, e RD-Ley 20/2012, polos que se adoptaron medidas extraordinarias para a redución do déficit público, que implicaron a supresión de importantes dereitos laborais e salariais arrebatados ás persoas empregadas públicas neste período co pretexto da crise, pero unha vez máis os representantes do Goberno deron a calada por resposta.

A CIG denuncia a Axencia Tributaria en Ourense por poñer en risco o persoal e as persoas usuarias

 No edificio no que traballan 50 persoas non hai espazo para manter a distancia de seguridade pola covid

A CIG vén de presentar unha denuncia diante da Inspección de Traballo e Seguridade Social de Ourense contra o delegado territorial da Axencia Tributaria de Galiza (Atriga) por non tomar medidas preventivas para evitar contaxios entre o seu persoal e as persoas usuarias.

Este centro atópase nun entrechán do número 38 da rúa Progreso, nun inmoble con pouca altura e pouco espazo físico, o que dificulta que se poida manter a distancia de seguridade recomendada, xa que ademais do público que se atende traballan arredor de 50 persoas. 

O que máis destaca deste centro de traballo da Xunta é que está situado nun edificio privado cunha grande dificultade para gardar as distancias tanto dentro como nos accesos, e aínda que se colocaron anteparos entre postos os espazos de circulación son cativos. Ao que hai que sumar que a ventilación actual non garante a renovación do aire para evitar contaxios por aerosois e o feito de que o delegado territorial segue sen proporcionar máscaras de protección ao seu persoal.

“Cun escenario de confinamento por un nivel de positivos inasumíbel na cidade, que xa ten colapsado o sistema sanitario, non entendemos como a Xunta, e nomeadamente o delegado territorial de Atriga, aínda non aplicase as mínimas medidas de protección fronte ao virus”, sinalan dende a CIG.

Ao mesmo tempo, critican que nin o persoal nin a representación sindical coñecen que haxa nin tan sequera unha simple avaliación de riscos laborais do centro ao risco biolóxico da covid. “Non informan dos positivos se os hai, nin das medidas de prevención, nin se establecen medidas organizativas para evitar a coincidencia como o teletraballo e quendas de presencia; de feito, nin se autoriza o teletraballo ordinario nin hai quendas de entrada e saída; e tamén se descoñece o plan de limpeza”.

Medidas insuficientes

Esta situación obriga o persoal a traer as súas propias máscaras e a ter que limpar o seu posto de traballo co seu propio xel hidroalcólico. “A Xunta so se preocupou de establecer un sistema de cita previa e uns anteparos, como se persoal se teletransportara até o seu posto e non respirara”. Por iso consideran insuficientes as medidas para un centro de traballo ubicado no entrechán dun edificio cun pequeno ascensor e escada de acceso, con tres salas para máis 50 persoas empregadas públicas e un bo número de atencións diarias, que hoxe mesmo que superaron o centenar.

“Para rematar, cando un delegado/a da CIG quere ir ver en que situación se atopan os traballadores/as deste centro o propio delegado territorial prohíbelles o acceso, polo que tamén denunciamos este feito na Inspección por vulnerar o dereito de representación do persoal”.

ORDE do 21 outubro de 2020 pola que se establecen medidas de prevención específicas como consecuencia da evolución da situación epidemiolóxica derivada do COVID-19 na Galiza

 O obxecto desta Orde é establecer medidas de prevención específicas como consecuencia da evolución da situación epidemiolóxica derivada do COVID-19 no territorio da Galiza. As devanditas medidas serán de aplicación en todo o territorio galego, de modo temporal, conforme o indicado no punto quinto da Orde.

Curso gratuíto de teleformación dirixido ao sector da limpeza: RISCO QUÍMICO NO SECTOR DA LIMPEZA

O Gabinete Técnico Confederal de Saúde Laboral (CIG) abre a matrícula para o curso gratuíto de teleformación dirixido ao sector da limpeza: Risco Químico no sector da limpeza, que dará comezo o vindeiro 9 de novembro de 2020. DATA LÍMITE DE INSCRICIÓN: XOVES 5 DE NOVEMBRO ÁS 14:00 HORAS. 

Cando falamos de contaminantes químicos facemos referencia a sustancias que poden ser absorbidas polo noso organismo e poden producir danos á saúde nun periodo curto de tempo ou ben ao longo dos anos.

Sen dúbida algunha no sector da limpeza o risco químico é un dos máis importantes. Para a realización das tarefas de limpeza, desinfección, pulido, encerado,etc., empréganse a diario diferentes produtos químicos (decapantes, abrilantadores, disolventes, desengraxantes, lexivias e outros) que desprenden vapores nocivos, e o seu contacto coa pel, ollos ou mucosas poden chegar a constituir un importante risco para a persoa traballadora se esta non está axeitadamente protexida..

Os produtos de limpeza son, en xeral, misturas de varias sustancias cada unha das cales ten diferentes propiedades e diversos efectos nocivos, segundo estas se presenten por separado ou en combinación con outra ou outras sustancias, expoñendo á persoa traballadora a variados efectos nocivos sobre o seu organismo.

No presente curso de teleformación: Risco químico no sector da limpeza que ofertamos para as persoas traballadoras do sector da limpeza, aboradaremos dun xeito ameno, sinxelo e doado de entender, cales son os conceptos e elementos básicos que nos permitirán entender e identificar os riscos químicos asociados aos traballos de limpeza; Como podemos coñecer os riscos asociados aos distintos produtos de limpeza que utilizamos; Os efectos contaminantes dos distintos produtos de limpeza comunmente empregados; A vías de exposición aos produtos químicos e cales son os seus efectos e consecuencias; Perigosidade e riscos asociados á mestura dos produtos de limpeza de uso máis común; Etiquetas, Fichas de Seguridade e Fichas Toxicolóxicas; Almacenamentos de produtos Químicos ou Identificación e uso de EPIs.

Esta actividade formativa realizarase de forma asíncrona, atendendo ao tempo e horario do que dispoña o alumno/a, sempre dentro do período temporal de vixencia do curso.

Non o dubides, se traballas no sector da limpeza e te preocupa a túa seguridade, protéxete, matricúlate e participa. Esperámoste.

CURSO GRATUÍTO DE TELEFORMACIÓN DIRIXIDO AO SECTOR DA LIMPEZA:

Risco Químico no sector da limpeza

DATA LÍMITE DE INSCRICIÓN: XOVES 5 DE NOVEMBRO ÁS 14:00 HORAS

Carga lectiva estimada: 4 horas

Data inicio: dia 9 de novembro.

Data de remate: 13 de novembro

Dereito a certificación

 

 MATRICÚLATE EN:

gabinete@cigsaudelaboral.org ou

Chamando ao teléfono 981359449 (de 10 a 14 horas)

Deberás proporcionarnos:

- Nome e apelidos;

- Documento de identidade;

- Correo electrónico;

- Número de teléfono

- Localidade de residencia e

- Código postal.

Cando esteas matriculado, deberás facilitar dende a plataforma de teleformación a través da cal farás o curso, unha fotografía do teu carné de identidade.