A Cig abstense na votación da Oferta de Emprego Público do ano 2019, tal e como fixo na do ano 2018, aínda pendente de se tramitar, por considerala insuficiente e porque
rexeitamos os pactos que a nivel estatal acordaron en Madrid os
demais sindicatos co goberno con respecto á taxa de reposición e á
non recuperación do emprego público perdido durante todos estes
anos.
Ademais, solicitamos que o Concello corrixa a proposta posto que fai referencia á
"correspondente Relación de Postos de Traballo" e segundo
o propio Concello, que mesmo nos entregou un informe externo para
avalar isto, seica neste Concello non existe ningunha RPT válida,
por tanto, nun documento dunha Oferta de Emprego Público entendemos
que non pode constar tal referencia, do contrario é unha
incongruencia co que o Concello está defendendo no proceso de
negociación da Relación de Postos de Traballo.
En
último lugar, esta oferta de emprego, sen dubidar que sexa necesaria
a convocatoria dos postos de Policía, entendemos que non soluciona
nin sequera comeza o camiño para solucionar os problemas do cadro de
persoal do Concello de Betanzos.
Os postos que formarán parte da Oferta de Emprego Público do ano 2019 son os seguintes:
SUBGRUPO: C1
N.º VACANTES: 2
DENOMINACIÓN: POLICÍA LOCAL
FORMA PROVISIÓN: 1 LIBRE (OPOSICIÓN) / 1 MOBILIDADE (CONCURSO)
SUBGRUPO: C1
N.º VACANTES: 1
DENOMINACIÓN: OFICIAL POLICÍA LOCAL
FORMA PROVISIÓN: 1 PROMOCIÓN INTERNA (CONCURSO-OPOSICIÓN)
Ningún comentario:
Publicar un comentario