Na Mesa Xeral de Negociación saiu adiante a proposta de reparto presentada polo Goberno municipal co voto a favor de todos os sindicatos. Esta decisión supón, que, en principio, estas axudas deberán pagarse coa nómina do mes de abril, tal e como indican as propias bases da convocatoria.
Non obstante, a CIG reiterou o que xa lle manifestara ao concelleiro de Persoal, con respecto a esta cuestión, que se está a incumprir o Convenio colectivo e que a partida orzamentaria debería incluír as subas dos incrementos da Lei de orzamentos do Estado dos anos 2015, 2016, 2017 e 2018, é dicir, desde o momento en que se asinou o Convenio colectivo do Persoal Laboral e o Acordo do funcionariado. Isto redundaría en beneficio dos traballadores xa que na actualidade a partida orzamentaria é insuficiente e produciuse unha redución proporcional no reparto destas.
Así mesmo, a CIG indicou que non se debería vulnerar o procedemento administrativo e no caso das axudas denegadas cumpriría comunicarllo aos traballadores afectador e darlles un prazo para posibles correccións de erros. O Concello indicou que as reclamacións poderían facelas unha vez pagadas as axudas.
Ningún comentario:
Publicar un comentario