MODIFICACIÓNS DO R.D. 6/2019. DEREITOS CONCILIACIÓN 2019

MODIFICACIÓNS DO R.D. 6/2019 

DEREITOS CONCILIACIÓN 2019* 

*Os permisos recollidos son os que estarán en vigor para o ano 2019. A comezos de 2020 algúns aumentarán de duración 

PERMISO PARA O COIDADO DO/A LACTANTE  (ANTES LACTACIÓN) 

Quen?

Pai e nai de crianzas menores de 9 meses NON É TRANSFERIBLE 

Como/ Cando?

1 hora diaria de ausencia do posto de traballo, que poderá fraccionarse. 

½ hora de redución ao comezo ou ao final da xornada. 

Acumulación en xornadas Completas Despois dos 9 meses poderase optar por unha redución de ½ hora ate os 12 meses por este mesmo motivo que vai suxeita á prestación recollida ao final deste cadro. 

PERMISO PARA A PERSOA DIFERENTE Á NAI BIOLÓXICA (ANTES PATERNIDADE) 

Quen?

Proxenitor ou proxenitora diferentes á nai biolóxica 

Como/ Cando?

 8 semanas das que, polo menos, 2, serán desfrutadas despois do nacemento. 

As seis semanas restantes poden desfrutarse en períodos semanais ate que a crianza teña 12 meses. 

A nai poderá ceder até 4 semanas de suspensión. 

PERMISOS POR ADOPCIÓN OU ACOLLEMENTO 

Quen?

Cada persoa adoptante, gardadora ou acolledora 6 semanas de desfrute obrigatorio para cada persoa proxenitora 

Como/ Cando?

Até 12 semanas a desfrutar de xeito ininterrompido dentro dos 12 meses desde o feito causante. Destas 12 semanas, a mesma persoa só poderá coller ate 10 semanas, quedando as outras 2 a disposición da/o outro/a proxenitor/a. 

ADAPTACIÓN HORARIA 

Quen?

Persoas con fillas ou fillos menores de 12 anos 

Como/ Cando?

Dereito a solicitar a adaptación da ordenación do tempo de traballo para poder conciliar. 

Estas adaptación teñen que ser razoables e proporcionadas ás necesidades. 

Tras a solicitude, abrirase coa empresa un proceso de negociación que pode durar un máximo de 30 días. 

Tras este período, a empresa aceptará, proporá unha alternativa ou negará a solicitude. 

No caso de non aceptala, indicará as razóns obxectivas nas que se sustenta esta decisión.

EXERCIZO CORRESPONSÁBEL DO COIDADO LACTANTE. Nova prestación 

Quen?

Proxenitor e proxenitora de crianzas de entre 9 meses e 12 meses 

Como/ Cando?

Prestación da seguridade social que se lle dá as persoas que reduzan a xornada de traballo por lactación de menor de 12 meses, a partir dos 9 meses. 

REQUISITO: Que sexan as dúas persoas proxenitoras as que reduzan a xornada.