Visitas aos centros de traballo

Tal e como vos comentabamos esta semana, e logo do falado na reunión do Comité de Seguridade e Saúde o técnico da Mutua comezará coas visitas aos centros de traballo nesta semana de cara a comprobar as medidas preventivas tomadas nos edificios logo das avaliacións de riscos laborais e facer as avaliacións pendentes. Estas visitas terán lugar, en principio os seguintes días:

Xoves 30 de outubro

Xoves 6 de novembro

Martes 11 de novembro

Martes 18 de novembro

O Concello, ademais, posibilitou de que os delegados de prevención acompañen ao técnico nas visitas.

Traballo dos delegados de prevención

Nos pasados días os delegados de prevención da CIG, xunto co técnico de prevención de riscos laborais da CIG veñen visitando, logo de o Concello lles dar a autorización, distintas dependencias municipais co fin de coñecer de primeira man os riscos dos distintos postos de traballo do Concello e comprobar de primeira man en que medida as avaliacións de riscos laborais dos distintos postos de traballo se corresponden coas realizadas pola Mutua e entregadas polo Concello na reunión de constitución do Comité de Seguridade e Saúde que tivo lugar hai un par de meses.

Ao longo destes meses, se o Concello segue a permitir estas visitas, os compañeiros de prevención continuarán con este traballo e farán todas as achegas que consideren pertinentes nas reunións do Comité de Seguridade e Saúde de cara a mellorar as avaliacións realizadas pola mutua que o Concello ten contratada, e que, a primeira vista, resultan, cando menos, incompletas e non axustadas na totalidade á realidade laboral do catálogo de postos do Concello de Betanzos.