Pleno de orzamentos e Relación de Postos de Traballo

Este martes 31 de xullo ás 20:30 h na Casa do Concello está convocado o pleno onde o goberno local pretende aprobar os orzamentos e a nova RPT logo de lle negar a posibilidade de negociación aos representantes sindicais. Neste pleno o goberno local intentará modificar postos de traballo, funcións e retribucións de moitos dos postos que compoñen esa relación e en moitos casos sen mesmo comunicarllo aos compañeiros afectados. Varios delegados da CIG asistiremos ao pleno para coñecer de primeira man as escusas do goberno municipal para continuar coas irregularidades en materia de persoal.

Animamos a todos os traballadores a que asistan porque neste pleno trataranse cuestións de máxima importancia para todo o persoal deste Concello e xa que o Concello non convoca nin negocia como é debido é preciso coñecermos de primeira man que é o que pretende o PSOE de Betanzos e logo poder tomar as medidas oportunas en consecuencia.