Cun descaro total o Concello vén de levar a cabo a terceira incursión en tres meses dunha empresa privada na limpeza das dependencias municipais. A situación é tan escandalosa que o Concello non só incumpre o acordo plenario que el mesmo apoiou senón que ignora dun xeito descarado non só ao Comité de Empresa senón as decisións do pleno da corporación, o máximo organismo decisorio do Concello.
O propio concelleiro volveu ter esta semana escusas de mal pagador ao indicar que só se contratara por un mes, primeiro foi por xuño, en xullo por uns días e agora por todo agosto. O máis gracioso do tema é que nos tres casos foi a mesma empresa e en ningún caso vimos que tal traballo tivese unha contratación pública, o que demostra que a destrución de emprego pública que o PSOE está a levar a cabo nos tres primeiros meses de mandato non só pretende acabar co servizo de limpeza municipal senón que se fai claramente para privilexiar a unha empresa concreta, xa se sabe que O PÚBLICO É SERVIZO E O PRIVADO É BENEFICIO.
A CIG desde o Comité de Empresa amosoulle o seu total rexeitamento ás políticas de privatizacións e exíxelle que lle dean cumprimento ao acordo plenario para solucionar a situación. É máis, en poucas semanas o problema será maior porque o aulario non terá persoal mentres as traballadoras agardan a que oi seu caso se resolva no Xulgado do Social da Coruña.
O Comité de Empresa, por iniciativa da CIG ante esta preocupante situación, comunicoulle a situación ao todos os partidos políticos da oposición para que sexan coñecedores da vulneración do acordo plenario tomado no mes de xullo e tomen as medidas que consideren oportunas.
Deixámosvos aquí o texto enviado aos partidos da oposición (PP, BN, BNG e CXG):
Boa
tarde,
Desde
o Comité de Empresa queremos comunicarvos que logo dunha semana sen
limpar diversas dependencias municipais o Concello vén de contratar
a unha empresa privada, máis unha vez, e van tres nesta lexislatura,
para a limpeza das dependencias municipais.
Estes
acontecementos prodúcense logo de que se aprobase unha moción
contra a privatización do servizo que o propio goberno municipal
apoiou, o que consideramos sumamente grave, e que demostra que
estabamos no certo cando falabamos do desmantelamento do servizo de
limpeza municipal, que se desarmou e deixou morrer case por completo
para deixarse o paso libre á privatización.
Logo
de solicitar unha reunión hai varios días, o concelleiro de
Persoal, Diego Fernández recibiunos e indicounos que a empresa só
está contratada polo mes de agosto (antes só era polo de xuño e en
xullo só por uns días...), non obstante entregounos un informe do
secretario municipal con respecto a unha proposta que el mesmo fixo e
que consideramos que, por xeral, estaba mal formulada desde o inicio,
polo que o secretario municipal conclúe dun xeito tallante ao se
referir tanto ás vacantes como ás baixas mais sen especificar cada
caso que é ben diferente e finalmente, acaba, como noutros tantos casos, sen dicir nada.
Como
o
propio informe indica neste Concello hai un grave problema de
persoal que se arrastra desde hai moitos anos e derivado dunha pésima
xestión da área e múltiples irregularidades que perduraron no
tempo e que deron lugar a que na actualidade o cento por cento do
persoal laboral deste Concello é temporal; unido a isto o feito de que
nunca houbo unha OPE de
laborais que consolidase postos (hai mesmo un outro informe da
Secretaría onde se afirma esta realidade) estalle a servir
ao goberno socialista dun xeito perverso para ampararse na non cobertura
das vacantes
por xubilación, toda vez que non hai que confundir que aínda que o
persoal non sexa fixo os postos si que o son por iso existe unha
Relación de Postos de Traballo, do contrario non constarían nela como
pasa no caso dos postos creados ao abeiro de diversas subvencións e que
non constan na RPT. Caso distinto é o das baixas, que mesmo no 2014 se
cubriron dúas e cuxa escusa de non cobertura é claramente
intencionada.
Polo
que respecta á vinculación dos contratos á
existencia de prazasna RPT que se menciona no informe resulta
irrisoria cando o Concello vén de contratar un patrón por dous
meses ou cando hai xusto un ano contratou a dúas traballadoras de
limpeza para o aulario, das que tampouco existía praza e que o
Comité advertiu no seu momento, aínda que os informes naquela
altura tiraban por outra vía. Tamén entendemos que poderiamos estar ante
xuízos de opinión cando se indica que a limpeza non é un servizo
esencial da Administración, toda vez que non hai que confundir servizo
mínimo obrigatorio con esencial e que se as dependencias onde se prestan
servizos obrigatorios ou non, non se limpasen, incumpriríase a Lei de
Prevención de Riscos Laborais e o Concello non podería prestar ningún
tipo de servizo, privando dos seus dereitos á cidadanía. Tamén é
destacable que cando se fala de competencias no tema da limpeza dos
colexios (é curioso que non inclúa as conserxarías, servizo tamén
prestado polo Concello mais do que non se dubida a competencia) sexa
unha Administración ou outra a que o preste mais en todo caso é un
servizo que garante o dereito á educación necesario e fundamental e a
Administración que asumiu a responsabilidade, neste caso o Concello, nin
pode nin debe deixar á deriva a garantía dos dereitos da cidadanía
baixo un pretexto tan nimio.
O
Comité xa lle trasladou ao goberno municipal a súa total oposición
á privatización e a obviedade dos tumbos que os informes da
Secretaría municipal veñen dando nos últimos anos e non en función
da lexislación vixente neste caso, que desde o ano pasado non mudou,
senón en base a factores que descoñecemos mais que resultan
preocupantes. Ben é certo que noutros casos, coma no do convenio
aprobado no pleno de abril o goberno municipal fixo caso omiso ao
informe da Secretaría, por tanto, que as escusas quizais son válidas
cando son coherentes mais cando se tornan interesadas nin o son nin convencen.
O
motivo de nos dirixir a vós de novo é que saibades que o goberno
municipal fixo caso omiso ao acordo plenario con respecto ao servizo de
limpeza e, por tanto, xa non só ignora ao Comité de Empresa, senón
a todos os partidos da oposición e ás decisións tomadas polo
máximo organismo decisorio deste Concello, sen entrar a valorar o
esperpento que supón que eles mesmos votaran a favor do que
incumpren ao día seguinte. Ademais, entendemos que é de xustiza que
esta información sexa pública posto que logo de só tres meses
estamos seriamente preocupados polo rumbo que en materia de Persoal
está a tomar este goberno municipal.
Agradezo
enormemente a vosa atención e se tiverdes algunha cuestión non
dubidedes en vos pór en contacto comigo.
Betanzos,
13 de xullo de 2015
Silvia
Muíño Naveira
Presidenta
do Comité de Empresa
Ningún comentario:
Publicar un comentario