Os problemas laborais son a terceira causa de estrés, que afecta ao 42% da poboación no Estado

Segundo o VII Estudo CinfaSalud: "Percepción e hábitos da poboación española en torno á estrés", un de cada dous españois que sofre estrés pola súa relación cos seus superiores desenvolve algún tipo de enfermidade física ou problemas psíquicos ou emocionais. Asímismo, a metade da poboación (50,8%) afirma que a estrés laboral en xeral, ocasionou algún prexuízo grave relacionado algunha enfermidade física ou problemas psíquicos ou emocionais (35,6%) ou de concentración e rendemento (26%).

Nove de cada dez (96,0%) sentiron estrés no último ano e catro de cada dez (42,1%), fixérono de maneira frecuente ou continuada. Por sexos, a muller percibe en xeral un maior nivel de estrés que o home, pois unha de cada dúas (48,7%) declara sentirse tensa frecuente ou continuamente, fronte a un de cada tres homes (31,5%). Por idades, os menores de 45 anos presentan un maior grao de estrés e en canto a ocupación, os estudantes son quen máis indican sufrir estrés de maneira frecuente ou continua (55,6%), seguidos das persoas en busca do seu primeiro emprego (50,7%), e en terceiro lugar, dos traballadores tanto por conta allea como propia (41,4% en ambos os casos).

O exceso de actividade ou a falta de tempo (50,9%) e os problemas de cansazo e soño (46,2%) son as causas máis frecuentes de estrés entre a poboación.  Ademais, dentro dos factores de "gran importancia", a enfermidade propia ou dun familiar (41,4%) constitúe a causa de estrés máis frecuente, mentres que os problemas laborais (43,2%) son os que máis a miúdo estresan dentro dos catalogados como factores de estrés crónico.

Como revela a investigación de Cinfa, os síntomas que máis a miúdo afectan os españois que sofren estrés son a irritabilidade (46,8%), a ansiedade (39,5%) e o insomnio (38,0%), seguidos das dores de cabeza e musculares (32,2%) e a fatiga física (29,9%).

Segundo o estudo, as medidas para evitar ou aliviar a estrés ás que máis a miúdo recorren os enquisados son conversar cos amigos ou coa familia (43,9%), aceptar a causa da estrés e tentar que non lles afecte tanto (40,0%) e practicar deporte (38,1%). Por sexos, as mulleres recorren máis aos apoios sociais da contorna e os homes priorizan en exercicio físico. Cabe destacar que só o 4,4% de enquisados recorre a axuda profesional.

Máis información en www.cigsaudelaboral.org.