Resumo do Comité de Seguridade e Saúde do 25 de outubro de 2017

Na reunión do Comité de Seguridade e Saúde do 25 de outubro de 2017 chegouse aos seguintes acordos:

1. Realizarase de inmediato (primeira semana de novembro), o Plan de Emerxencia da Biblioteca, arquivo, museo e Oficina Municipal de Información Xuvenil. Nomearanse os responsables, impartirase a formación e fixarase a realización do simulacro.

2. Realizarase, dentro do anterior, o Plan de Emerxencia do Cine Alfonsetti e posterior implantación.

3. Levarase a cabo tamén de inmediato o primeiro simulacro na Escola Infantil Municipal Santiago de la Fuente.

4. Á vez que se implanta o Plan de Emerxencia da Biblioteca vaise elaborar o Plan de Emerxencias das dependencias do edificio Liceo.

5. A orde de prioridades, á que instou a Inspección Provincial, logo da denuncia dos delegados da CIG, para a elaboración dos Plans de Emerxencia para os distintos edificios municipais, será a seguinte, logo do acordo no Comité:

1. Edificio Liceo.

2. Conservatorio Carlos López García Picos

3. Centro de Formación Ocupacional.

4. Servizos Sociais.

5. Casa do Concello

6. Policía Local

7. Pasatempo

8. Cemiterio

9. Protección Civil

Así mesmo, comezará a comunicación co CEIP Francisco Vales Villamarín polo Plan de coordinación de actividades empresariais.

Finalmente, na quenda de reunións acordou fixarse a data da próxima reunión para a segunda quincena de xaneiro, informouse de que as revisións médicas se realizarán unha vez que estea adxudicado o contrato para a mutua, que está en fase de licitación e que na próxima reunión se acordaría un protocolo para accidentes de traballo e outro para casos de embarazo.