A CIG vai convocar unha reunión extraordinaria do Comité de Empresa para decidir que pasos seguir ante o desmantelamento do servizo de limpeza que se iniciou na lexislatura anterior e que se consuma nos primeiros días desta con despedimentos, non cobertura de baixas e modificación substancial das condicións laboral do persoal adscrito a este servizo.
Deixámosvos a convocatoria que se fai coa idea de levarmos a cabo accións conxuntas, non obstante, independentemente da postura da UGT que moito se ten postulado a favor dos despedimentos de compañeiros e do lado do Concello na anterior lexislatura, a CIG fará uso da súa maioría e tomará as decisións oportunas e pertinentes para levar á rúa e ao coñecemento público a situación extrema que está a padecer o escasísimo persoal que forma agora parte do servizo de limpeza, nomeadamente de edificios.
Ningún comentario:
Publicar un comentario