Froito dunha denuncia na Inspección de Traballo dos delegados de prevención da CIG do ano pasado. A inspección provincial requiriulle ao Concello a elaboración dun Plan de emerxencia e evacuación dos diferentes edificios municipais, a comezar polo edificio Liceo.
Logo doutras denuncias na Inspección de 2018, a Inspección retomou este tema e o Concello tivo que elaborar e enviarlle o devandito Plan de emerxencia e evacuación, que tamén lle facilitou aos delegados de prevención o pasado 1 de outubro.
Os delegados de prevención da CIG vimos de lle solicitar ao Concello de Betanzos que difunda este plan entre o persoal, así como as persoas que foron nomeadas responsables de executalo, tanto no caso dos simulacros, coma en situacións reais, para o coñecemento de todos os traballadores e traballadoras que prestan servizos neste edificio.
As persoas nomeadas están pendentes da formación correspondente, que realizará o Servizo de Prevención Alleo, e, así mesmo, proximamente realizarase o primeiro simulacro.
Medidas de emerxencia e evacuación do edificio Liceo
Ningún comentario:
Publicar un comentario