Case un mes despois do laudo arbitral das eleccións sindicais do persoal laboral, o Concello non reuniu a Mesa das eleccións para darlle cumprimento ao requerimento da Inspección

Está claro que o resultado do laudo arbitral non lle gustou ao goberno municipal do PSOE, que teima en non lle dar cumprimento a un requirimento da Inspección de Traballo do pasado 5 de xullo. A esta altura non deu nin un paso adiante para cumprir o mandato do inspector e tomar como válidos os tres votos da CIG que se declararan nulos e que modificacarían a composición do Comité de Empresa.

Mentres tanto, e sen Comité de Empresa, o goberno municipal aproveita para realizar contratos sen que os revise ningún representante sindical e nin sequera facilitarlle unha copia aos delegados sindicais que o requiren. 

A CIG, no caso de o goberno municipal non lle dea un cumprimento inmediato ao laudo arbitral comunicaralle á Inspección que o Concello de Betanzos se nega a cumprir os seus requirimentos, para que esta actúe do xeito que proceda.