Estes días e logo de que o Comité de Empresa o solicitase, o Concello vén de formular unha proposta de concesión das axudas
sociais do ano 2015 ao Comité de Empresa e solicitarlle un informe
co obxecto de facelas efectivas coa nómina do mes de marzo e
concédelle un prazo de dez días naturais para a emisión deste e
proposta de distribución que considere.
Por
este motivo o Comité de Empresa reuniuse hoxe mesmo para establecer os criterios do informe que se entregará o vindeiro luns no Concello e facer a proposta de concesión.
Un ano máis, a partida
orzamentaria é insuficiente e o Concello propón unha redución
proporcional á espera da proposta de representantes de persoal
laboral e funcionario. A partida orzamentaria é de 25 000 euros e cantidade de axudas solicitades ascende á 27732,08 euros, dos cales 14750,48 euros se corresponden con axudas solicitadas polo persoal laboral e o resto polo funcionariado.
Desde a CIG proporemos, tamén, un ano máis,
o aumento da partida orzamentaria de cara vindeiros anos para cubrir
a totalidade das axudas así como instaremos, unha vez máis, ao
goberno municipal a que cumpra o apalabrado cos representantes
dos traballadores hai catro anos de que ía haber un novo
regulamento de axudas sociais cun reparto das axudas en base a
criterios sociais, tal e como leva propoñendo desde o ano 2011 o
Comité de Empresa actual logo da proposta da CIG.
Se algún compañeiro ou compañeira quere información sobre a contía que finalmente lle foi concecida pode falar con calquera dos delegados da CIG, non obstante, o Comité de Empresa solicitará, unha vez máis, que se cumpran as bases vixentes e que o Concello publique as listaxes provisionais e definitivas de axudas sociais de cara a coñecelas todo o persoal e poder facer as reclamacións oportunas quen o considerar necesario.
Ningún comentario:
Publicar un comentario