A CIG solicita a adecuación do convenio ao acordo ás normas do anexo da Policía Local que lle afectan ao persoal auxiliar contratado para o verán

O pasado 6 de xuño a CIG, solicitou, a través da súa representante na Comisión Paritaria de Seguimento do Convenio Colectivo que na vindeira reunión se adopte o acordo de que o persoal auxiliar da Policía Local que o Concello de Betanzos contrata para o verán se rexa polas normas contidas no anexo da Policía Local do Acordo regulador do Persoal funcionario de cara a facilitar o funcionamento do devandito servizo e que todo o persoal deste teña as mesmas normas relativas a servizos, horarios e quendas.

Esta solicitude fíxose tendo en conta que no Convenio non se recolle nada canto ao horario deste persoal, o que suporía que se rexerían polo horario xeral do Concello e que suporía un grave problema para este servizo.