O goberno informou de que o convenio foi finalmente enviado

Nos pasados días o goberno municipal informou á representante do Comité de Empresa de que o convenio do persoal laboral finalmente foi enviado aos organismos pertinentes e, por tanto, iniciou a tramitación correspondente.

Logo de que desde a CIG e a través do Comité instásemos ao Concello a que tramitase este tema coa maior urxencia posible e non o demorase máis, no mes de agosto e cinco meses despois de que se aprobase polo Pleno da corporación finalmente o Concello inciou a tramitación.

Hoxe mesmo a presidenta do Comité informou a todo o Comité de Empresa da información que lle achegou o propio alcalde, porque o Convenio foi aprobado pola asemblea de traballadores e con posterioridade pola maioría do Comité de Empresa coa CIG en solitario, e a pesar de que UGT se opuxo a este convenio e fixo campaña pública en contra del entendemos que todos os membros do Comité de Empresa debe ter información sobre o estado da tramitación dun documento tan importante ao que só amosaron o seu rexeitamento público algúns delegados da UGT mais non así o resto dos traballadores reunidos en asemblea que o apoiaron.

Nos vindeiros meses agardamos ter novidades dos organismos laborais sobre esta tramitación e seguiremos manténdovos informados puntualmente.