O Concello incumpre o Convenio colectivo cinco meses despois da súa entrada en vigor descolgando 26 contratos das retribucións e condicións laborais recollidas neste

Cinco meses despois da publicación e entrada en vigor do Convenio colectivo do persoal laboral o Concello de Betanzos descolga 26 contratos de persoal laboral do profesorados, o persoal administrativo e o alumnado do Obradoiro de Emprego

Con estes contratos que non fan ningunha referencia ao convenio colectivo non só lles impón unha xornada laboral semanal superior á do resto do persoal laboral senón que tamén unha retribución inferiores ao resto do persoal do mesmo grupo profesional.

O goberno municipal con este feito decidiu unilateralmente descolgar a 26 traballadores do convenio colectivo vixente só cinco meses despois da súa entrada en vigor. Así mesmo tomou esta decisión sen fala nins sequera cos representantes do traballadores, vulnerando o acordo que tardou varios anos en chegar e manifestando un desprezo absoluto polas decisións tomadas de acordo cos representantes dos traballadores nos organismos correspondentes.

O Comité de Empresa amosou a súa disconformidade cos contratos mencionados polo descolgue das condicións laborais do convenio colectivo vixente e lembroulle ao Concello que esta situación podería dar lugar a reclamacións por parte dos traballadores afectados. Así mesmo, lembroulle que en todos estes anos de negociación do convenio colectivo xamais propuxo que ningún tipo de contrato non se rexese polo indicado no convenio colectivo, por tanto, esta decisión tomada en contrado acordado é aínda máis grave.

Finalmente solicitoulle que modifique de inmediato os contratos para a súa inclusión na totalidade dos seus termos no ámbito de aplicación do convenio vixente, tanto no relativo ás retribucións como ás condicións laborais e que deixe de tomar decisións sobre temas laborais que van en contra do acordado e aprobado no Convenio colectivo vixente.