Desde o pasado 5 de xullo de 2017 a Sección sindical da CIG solicitoulle ao Concello de Betanzos que aplicase o incremento retributivo contemplado na Lei 3/2007, mais a día de hoxe non só seguimos sen resposta senón que o Concello tampouco aplicou tal incremento.
Cómpre lembrar que a Lei foi publicada o 28 de xuño e desde ese momento a maior parte dos concellos próximos foron aplicándoa mais queda, como sempre, o Concello de Betanzos á cola cando se trata de incrementos para o persoal ao seu servizo.
Tamén é preciso recordar que para alén deste incremento mensual, o Concello debe reintegrar os atrasos deste desde o 1 de xaneiro, polo que na actualidade xa adebeda nove meses de atrasos.
Polo momento estamos á espera de que o concelleiro de Persoal reciba aos representantes dos traballadores para preguntarlle por este tema e ter novas. Certo é que durante varios meses o concelleiro informou que esta suba se pagaría sen problema, mais tamén é certo que os meses cartos e o Concello non ten porqué reter os cartos dos traballadores.
Ningún comentario:
Publicar un comentario