A CIG vén de presentar por rexistro unha queixa xa que o Concello entregou hoxe pola mañá, ás 11:30 h unha documentación de 172 follas para a reunión de mañá ás 10:00 h.
Esta documentación, a maiores, ten cambios con respecto á entregada en decembro e nin sequera se entrega unha guía coas modificacións, o que facilitaría o traballo e que ben podería facer a empresa contratada por 36 000 euros que finaliza o contrato nun par de meses, logo de máis de dous anos de contrato.
A CIG expúxolle ao goberno municipal que este proceder obstrúe e dificulta a negociación e imposibilita o estudo da documentación que se tratará, á vez que dificulta o traballo dos delegados sindicais e os sitúa nunha posición de inferioridade na negociación con respecto ao goberno municipal.
Ningún comentario:
Publicar un comentario