Un ano despois de que a CIG fixese a proposta, e nove meses despois de ser acordado na Comisión Paritaria de Igualdade, o Concello de Betanzos vén de distribuír o Protocolo contra o acoso sexual, por razón de sexo e identidade no Concello de Betanzos.
A base do texto acordado é o texto que a CIG propuxera hai un ano para botar adiante este protocolo, con achegas e emendas doutros sindicatos. O sindicato que puxo máis atrancos para levar adiante este protocolo, foi o CSIF, co que se debateron continuamente cuestións que consideramos principais e básicas e que deberían ser de consenso como qué se considera exactamente acoso sexual.
Así mesmo, a CIG comunicaralle ao Concello de Betanzos unha queixa, xa que a Comisión Paritaria de Igualdade está composta polos representantes de cada unha das Seccións sindicais do Concello, que actúan en calidade de vogais, e que no caso de que haxa unha votación teñen a representatividade da Mesa Xeral de Negociación, mais neste protocolo o Concello outórgalle ao CSIF un vogal máis que ao resto dos sindicatos, en contra do propio regulamento da Comisión.
Así mesmo, a CIG comunicaralle ao Concello de Betanzos unha queixa, xa que a Comisión Paritaria de Igualdade está composta polos representantes de cada unha das Seccións sindicais do Concello, que actúan en calidade de vogais, e que no caso de que haxa unha votación teñen a representatividade da Mesa Xeral de Negociación, mais neste protocolo o Concello outórgalle ao CSIF un vogal máis que ao resto dos sindicatos, en contra do propio regulamento da Comisión.
Ningún comentario:
Publicar un comentario