Este ano as revisións médicas terán lugar os días 4, 5,6, 8, 11, 15, 20, 21, 22 e 25 de abril na Mutua Fraternidad Muprespra, na Coruña, que está na Rúa Rafael Alberti n.º 8.
O Concello pon un vehículo a disposición do persoal para ir ás revisións que sairá cada un dos días ás 08:30 h do Campo.
É necesario inscribirse nas Oficinas Xerais para as revisións médicas e lembrade que en anos anteriores o tempo que non estivese dentro da xornada de traballo e que se estivese na revisión médica se compensaba na xornada do mesmo día.
Os delegados de prevención de riscos laborais do Comité agradecemos calquera información ou suxestión que o persoal poida ter para mellorar estas revisións. Cómpre lembrar que hai anos non se realizaban anualmente e moito menos nunhas condicións normais, mais grazas ás achegas realizadas polos delegados do persoal laboral o Concello foi mellorando nesta liña e adecuando os prazos e as condicións. Se ben é certo que un punto pendente e no que o Concello indica que sempre vai incidir logo das reclamacións mais que ata o momento non o fixo é en que se fagan revisións específicas, é dicir, adaptadas a cada posto de traballo, de cara a valorar como os diferentes traballos afectan á saúde do persoal, mais un ano máis estaremos pedentes de se dunha vez por todas conseguimos que se fagan as revisións específicas.
Ningún comentario:
Publicar un comentario