Poucos anos tardou o Concello de Betanzos en "volver ás andadas" co tema das axudas sociais, logo duns anos de problemas e de que parecía que este tema estaba "estabilizado", que non solucionado, porque o goberno do PSOE leva cinco anos negándose a negociar unha bases máis xustas, o Concello volve ás andadas e a 13 de xaneiro ten sen convocar unhas axudas que tradicionalmente se convocaban en decembro a pesar de que as bases vixentes do ano 2001 (a actualización non é unha característica desta Administración local) indicaban que a solicitude se presentaría nos once primeiros meses do ano.
Demostra, unha vez máis, con este tema, o goberno de Ramón García que todo o que teña a ver con temas económicos do persoal non é para nada unha prioridade para o goberno municipal socialista e aos feitos nos remitimos:
-Novo convenio: cinco anos e aínda non entrou en vigor, salarios do persoal laboral conxelados desde o ano 2006.
-Indemnizacións por asistencia a tribunal: nin se cheiran a pesar de que lle corresponden ao persoal por lei, mais canto máis se demore o pagamento máis cartos aforra o Concello. Non se cobran desde que o goberno socialista entrou no goberno.
-Axudas sociais: paralizadas non sabemos ata cando e con contías conxeladas desde o ano 2001.
-Relación de Postos de Traballo: complementos específicos conxelados desde o ano 2008.
O que resulta incrible no caso das axudas sociais especialmente é que sen cambiar unhas bases vixentes desde hai 15 anos se aleguen problemas administrativos para a súa convocatoria. O que está claro é que aquí nunca cambia nada se é para beneficio do persoal, os feitos demostran que parece que sempre cambia en detrimento dos traballadores.
O Comité de Empresa xa realizou varias solicitudes nesta liña e segue sen resposta porque outra máxima desta Administración local é a non resposta ao que entra por rexistro, CANDO A ADMINISTRACIÓN TEN A OBRIGA DE RESPONDER E O SILENCIO DEBE SER A EXCEPCIÓN, NON A REGRA.
Na vindeira semana, agardamos ter máis información sobre este tema, e seguiremos informando puntualmente.
Aí vai unha pequena escolma de novas relacionadas con anteriores convocatorias de axudas sociais.
Ningún comentario:
Publicar un comentario